Këshilltari kryesor shkencor i Mbretërisë së Bashkuar, Sir Patrick Vallance, tha se do të ishte një “rezultat i mirë” për Mbretërinë e Bashkuar nëse numri i vdekjeve nga virusi mund të mbahej nën 20,000.
Matt Hancock, sekretari i shëndetësisë, u pyet nëse është akoma e mundur të arrihet ai “rezultat i mirë”, duke pasur parasysh se numri i të vdekurve tejkaloi 10,000 sot.
“Rruga e ardhshme e kësaj pandemie në këtë vend përcaktohet nga mënyra sesi veprojnë njerëzit. Kjo është arsyeja pse është kaq e rëndësishme që njerëzit të ndjekin udhëzimet për distancimin shoqëror. Parashikimet nuk janë të mundshme, pikërisht sepse ato varen nga sjellja e popullit britanik, u shpreh Hancock.
Prof Yvonne Doyle nga NHS England thotë se ajo pajtohet me sekretarin e shëndetësisë, duke shtuar se për momentin gjëja më e rëndësishme për të bërë është të vazhdoni distancimin shoqëror dhe të mbroni më të prekurit – për të cilin thotë se është një “absolutisht thelbësore”.
