Këshilli i Lartë Gjyqësor ka njoftuar se nesër më datë 16.02.2021, në orën 11:00, në platformën online do të zhvillohet mbledhja plenare.
Ja dhe diskutimet e rendit të ditës:
RENDI I DITËS
i Mbledhjes Plenare të Këshillit të Lartë Gjyqësor
datë 16.02.2021
1. Zhvillimi i seancës dëgjimore për shqyrtimin e kërkesës së ILD-së për fillimin e procedimit disiplinor në ngarkim të magjistrates {…}, me detyrë gjyqtar në Gjykatën e Rrethit Gjyqësor {…}
2. Shqyrtimi i projektvendimit “Për fillimin e procedurave të përzgjedhjes për emërim në Gjykatën e Lartë, të kandidatëve nga radhët e gjyqtarëve, për njëmbëdhjetë pozicionet e shpallura të lira”, i përgatitur nga Komisioni i Zhvillimit të Karrierës.
3. Shqyrtimi i 4 projektvendimeve të përgatitura nga Komisioni i Zhvillimit të Karrierës:
3.1 “Për fillimin e procedurave të përzgjedhjes për ngritjen në detyrë në Gjykatën e Apelit Tiranë, për shtatë pozicionet e lira të shpallura me vendimet e Këshillit të Lartë Gjyqësor, të datës 28.05.2020”.
3.2 “Për fillimin e procedurave të përzgjedhjes për ngritjen në detyrë në Gjykatën e Apelit Durrës, për pozicionin e lirë në fushën e të drejtës civile, të shpallur me vendimin nr. 173, datë 28.05.2020, të Këshillit të Lartë Gjyqësor”.
3.3 “Për fillimin e procedurave të përzgjedhjes për ngritjen në detyrë në Gjykatën Administrative të Apelit, për pozicionin e lirë të shpallur me vendimin nr. 187, datë 28.05.2020, të Këshillit të Lartë Gjyqësor”.
3.4 “Për fillimin e procedurave të përzgjedhjes për ngritjen në detyrë në Gjykatën e Posaçme të Apelit për Korrupsionin dhe Krimin e Organizuar, për tre pozicionet e lira të shpallura me vendimet nr. 88, nr. 89 dhe nr. 90, datë 26.02.2020, Këshillit të Lartë Gjyqësor”.
4. Shqyrtimi i projektvendimit “Për përfundimin para afatit të shërbimit në skemën e delegimit, për gjyqtaren znj. Mimoza Margjeka”, i përgatitur nga Komisioni i Zhvillimit të Karrierës.
5. Shqyrtimi i projektvendimit “Për kualifikimin e kandidatit z. Qemal Zaimi dhe vijimin e procedurave të ngritjes në detyrë në gjykatën e Apelit Tiranë, për pozicionet e lira në fushën e të drejtës penale, të shpallura me vendimet nr. 184 dhe nr. 185, datë 28.05.2020, të këshillit të lartë gjyqësor”.
6. Shqyrtimi i projektvendimit “Për mbarimin e statusit te magjistratit per gjyqtarin e Gjykatës së Apelit {…}”.
7. Shqyrtimi i projektvendimit “Per ushtrimin e Rekursit ndaj vendimit gjyqesor nr.6 date 26.01.2021 te Gjykates Administrative te Apelit Tirane”, pergatitur nga Komisioni per Zhvillimin e Karrieres.
