Mesazhi i kryeministrit Rama ndaj mjekëve: Mbyllni gojën, përndryshe e pësoni si Ilir Allkja!
Gazeta Telegraf
Ilir Allkja, mjek i Urgjencës Kombëtare, është pushuar nga Drejtori I QSUT-së për shkak se ka denoncuar publikisht mangësitë në sistemin shëndetësor publik dhe keqmenaxhimin e situatës së pandemisë nga drejtuesit kryesorë të institucioneve shtetërore, si edhe nga kryeministri Rama. Në intervistën për gazetën “Telegraf” mjeku Ilir Allkja pohon se arësyetimi I dhënë nga drejtuesi i SQUT për pushimin e tij nga puna është shkelja e etikës morale, ngaqë kritikoi dejtuesit e qeverisë dhe të institucioneve shtetërore për keqmenaxhimin e pandemisë. Mjeku Allkja thotë se ky urdhër është një mesazh i kryeministrit Rama ndaj mjekëve të tjerë, që të mos hapin gojën ndaj mangësive dhe keqmenaxhimin, ndaj propagandës boshe të qeverisë, ndryshe, do ta pësojnë me largimin nga puna.
– Zoti Allkja cili është arësyetimi zyrtar i Drejtorit të Përgjithshëm i QSUT për shkarkimin tuaj?
-Është një arsyetim tipik komunist që bazohet në privimin e lirisë së fjalës. Akuzohem se paskam dhëneë informacione konfidenciale që kanë të bëjnë me testimet, infektimet, mangësitë në sistemin shëndetësor. Sqaroj ata që nuk janë në dijeni se është e drejta ime themelore, si mjek, për të kërkuar ndryshime e përmirësime në vendin e punës, si dhe kushte për të trajtuar pacientët. Është një vendim që atakohet lehtë në gjykatë dhe fakteqësia është se për këtë do të paguajnë taksapaguesit e jo administrata e papërgjegjshme .
– Drejtuesit e institucionit a ju kanë ballafaquar në kritikat tuaja? A janë përgënjeshtruar kritikat tuaja?
– Jam thirrur 5 ditë më parë dhe më kanë kërkuar sqarime për deklaratat e mia. Kam shpjeguar se është e drejta ime parësore të kërkoj përmirësime e të flas për mangësitë dhe keqadministrimet në spitalet publike. Këtë të drejteë ma garanton Kushtetuta e vendit.
–– Cili ka qenë thelbi i kritikave tuaja? Ndaj personave të caktuar të piramidës administrative? Apo ndaj fenomeneve negative në sistemin shëndetësor?
– Në daljet e mia kam dhënë opinionet e mia në lidhje me infektimet, testimet, mangësitë në sistem. Këto deklarime janë në YouTube dhe janë lehtësisht të verifikueshme.
– Derisa asnjë institucion dhe drejtuesë nuk kanë rrëzuar kritikat tuaja, urdhëri i pushimit nga puna për ju, a bie në kundërshtim me Kodin e Punës?
-Urdhëri i pushimit tim është në kundërshtim flagrant me Kodin e Punës. Së pari, shkeljet e etikës i shqyrton Urdhri i Mjekut. Së dyti, sipas Kodit të Punës dhe sipas kontratës së punës, shkarkimit i paraprijnë vërejtje me shkrim, paralajmërim me shkrim, dhe pushim. Këto nuk janë zbatuar.
–– Akti i pushimit tuaj nga puna, për shkak të kritikave të drejta ndaj drejtuesve dhe dobësive e fenomeneve negative në sistemin shëndetësor a nuk shkel edhe të Drejtat e Njeriut dhe standartet e demokracisë për të Drejtën e Fjalës dhe shprehjes?
– Pikërisht për këto arsye unë do ta ndjek deri në Straburg çështjen time. Është betejë ligjore për fjalën e lirë. Mirë do të ishte që faturën ta paguante Enkelejd Joti dhe jo taksapaguesit.
–– Zoti Allkja, në këtë kohë pandemie, kur sistemi ynë i shëndetit publik ka mungesa të mëdha për mjekë, pushimin tuaj nga puna për shkak të arrogancës së drejtuesit të QSUT, ju si mund ta përkufizoni?
– Sot në gjithë Europën është e ndaluar me ligj të shkarkosh nga puna një kamarier, një sanitar, një kasier, e jo më të shkarkohet një mjek. Ështe arrogancë e hapur qeverritare, e iniciuar nga kryeministri i vendit!
–– Cili është mesazhi i urdhërit të pushimit tuaj nga puna për mjekët dhe personelin mjekësor në Shqipëri?
– Mesazhi është i qartë: mbyllni gojën dhe sytë, përndryshe e pësoni si Ilir Allkja!
– Zoti Allkja, mos vallë të tilla sjellje të drejtuesve të institucioneve shtetërore kundër çdo fjale të specialistëve, intelektualëve, venë EGO-n personale mbi të mirën e shoqërisë dhe një kërcënim ndaj çdo intelektuali dhe meritokracisë në Shqipëri?
-Nuk kam asnjë shembull pozitiv qeverisjeje apo administrimi në 8 vitet e fundit. Janë qindra gjyqe të fituara nga qytetarë shqiptarë dhe të huaj nëpër gjykata, të cilat presin radhën për ekzekutim. Paratë do ti paguajnë shqiptarët e aspak këta drejtues të papërgjegjshëm.
– A mendoni se largimi juaj nga puna, për shkak të kritikave të drejta ndaj drejtuesve të QSUT është një përjashtim? Një rast i vetëm?
-Nga puna janë larguar plot profesionistë kritike, mes tyre doktori i nderuar Petrit Vargu, infermieri Elson Jaçe, infermieri Frrok Bardhi, etj.
– Pas dënimit tuaj shembullor nga puna si mjek, a kanë motiv, të rinjtë tanë të shpresojnë të punojnë në Shqipëri, apo ata që kanë studiuar jashtë, të rikthehen në Shqipëri për të punuar?
– Dënimi im është shembulli më i keq për të rinjtë e Shqipërisë. Të rinjve ju thuhet qartë se Shqipëria nuk bëhet, se është një vend i kapur nga malavita dhe se jeta këtu është e pasigurtë!
– Faleminderit!
Urdhëri i pushimit tim është në kundërshtim flagrant me Kodin e Punës. Së pari, shkeljet e etikës i shqyrton Urdhri i Mjekut. Së dyti, sipas Kodit të Punës dhe sipas kontratës së punës, shkarkimit i paraprijnë vërejtje me shkrim, paralajmërim me shkrim, dhe pushim. Këto nuk janë zbatuar
Është betejë ligjore për fjalën e lirë. Mirë do të ishte që faturën ta paguante Enkelejd Joti dhe jo taksapaguesit. Sot në gjithë Europën është e ndaluar me ligj të shkarkosh nga puna të shkarkohet një mjek. Ështe arrogancë e hapur qeverritare, e iniciuar nga kryeministri i vendit!
Dënimi im është shembulli më i keq për të rinjtë e Shqipërisë. Të rinjve ju thuhet qartë se Shqipëria nuk bëhet, se është një vend i kapur nga malavita dhe se jeta këtu është e pasigurtë!
Nga puna janë larguar plot profesionistë kritike, mes tyre doktori i nderuar Petrit Vargu, infermieri Elson Jaçe, infermieri Frrok Bardhi, etj
