Zyrat e një poste private janë grabitur mbrëmjen e sotme.
Ngjarja ka ndodhur në rrugën ‘5 Maji’ në Tiranë.
Një person ende i paidentifikuar, i cili mbante një send të dyshuar si mjet prerës, është futur në filialin e një poste private, ka marrë një shumë parash dhe është larguar me një motomjet, bën të ditur policia e Tiranës.
Njoftimi i Policisë së Tiranës:
Më datë 17.05.2023, rreth orës 21:15, në rrugën ‘5 Maji’, një person ende i paidentifikuar, i cili mbante një send të dyshuar si mjet prerës, është futur në filialin e një poste private, ka marrë një shumë parash dhe është larguar me një motomjet.
Grupi hetimor ndodhet në vendngjarje dhe po punon për identifikimin dhe kapjen e autorit.
Shërbimet e Policisë kanë ngritur pika kontrolli dhe po krehin zonën, për të bërë të mundur kapjen e autorit.