Një shtetas serb është arrestuar nga policia e Krujës, pasi ka aksidentuar një 80 vjeçar. Në pranga përfundoi Sinisha Nedeljkoviq 50 vjeç, banues në Krugujevac, Serbi.
Policia lokale e Durrësit sqaron se ky shtetas u arrestua pasi duke drejtuar mjetin tip Volvo Kamion, në aksin rrugor Fushë Krujë-Tiranë, ka aksidentuar shtetasin këmbësor R.Ç. 80 vjeç, banues në Fushë-Krujë.
“Për pasojë, i dëmtuari ndodhet në Spitalin Ushtarak Tiranë nën kujdesin e mjekëve”, sqaron policia.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale”Shkelja e rregullave të qarkullimit rrugor”.