Fluks automjetesh ka patur ditën e sotme nga Elbasani në drejtim të kryeqytetit. Në akset “Papër-Elbasan” dhe “Librazhd-Elbasan” ka pasur një përqëndrim të madh të automjeteve, e cila ka krijuar një ngadalësim të qarkullimit.
Policia Rrugore e Elbasanit thotë në njoftimin e saj se bllokim të lëvizjes së automjeteve nuk ka dhe po punohet intensivisht për menaxhimin e qarkullimit të makinave.
Nga ana tjetër ajo bën thirrje drejtuesve të makinave për durim, të qëndrojnë në rradhë dhe të mos kryejnë parakalime të gabuara.
Njoftimi i Policisë:
Elbasan/Fluks i madh automjetesh në drejtim të Tiranës.
Në akset rrugore “Papër-Elbasan” dhe “Librazhd-Elbasan” ka një fluks të madh të lëvizjes së automjeteve në drejtim të Tiranës, duke krijuar ngadalësim të qarkullimit.
Nuk ka bllokim të qarkullimit të automjeteve, por qarkullimi i tyre është ngadalësuar për shkak të fluksit të automjeteve që kalojnë në këtë rrethrrotullim.
Shërbimet e Qarkullimit Rrugor ndodhen në terren dhe vijojnë intensivisht punën për menaxhimin e qarkullimit të automjeteve.
Drejtuesit e automjeteve të tregojnë durim, të qëndrojnë në radhë dhe të mos kryejnë parakalime të gabuara, duke u kthyer në burim për përfshirje në ngjarje rrugore apo për bllokim të lëvizjes në të dy kahet e rrugës.