Nëse punoni me turne ose alarmi juaj bie shumë herët, e njihni mjaft mirë ndjesinë e të lëvizurit në errësirë ndërkohë që familjarët e tjerë janë ende në shtrat.
Epo, rezulton se në fakt nuk jeni vetëm, sepse shkencëtarët kanë zbuluar se ora 5 e mëngjesit është momenti më i keq i ditës.
Në një studim me më shumë se 2500 pjesëmarrës, studiuesit nga Universiteti i Miçiganit dhe Dartmouth Health zbuluan se kjo ishte koha kur njerëzit thanë se ishin më pak në humor krahasuar me orën 17:00.
Efekti i saj vazhdonte të ishte i pranishëm pavarësisht se kur ngriheshin pjesëmarrësit, por humori i tyre ishte më i keq sa më gjatë që kishin qëndruar zgjuar. Ata mbanin një pajisje smart në dorë që maste rrahjet e zemrës, orët e gjumit, hapat dhe pikët me të cilat vlerësonin humorin e tyre.
Humori ciklon natyrshëm në pikën më të ulët në mëngjes dhe më të lartë në mbrëmje, pavarësisht mungesës së gjumit.
“Privimi i gjumit është një proces i veçantë që ul humorin. Pra, dikush që ka ndenjur zgjuar gjithë natën në orën 5 të mëngjesit duhet të ketë një humor edhe më të ulët se sa nëse do të zgjohej në këtë orë. Megjithatë, në një ditë të zakonshme humori i tyre në orën 5 të mëngjesit do të jetë akoma më i ulët sesa në mbrëmje.
Ekipi vuri në dukje se ndryshimi i humorit është kompleks dhe i ndikuar nga faktorë të shumtë, dhe se disa nga pjesëmarrësit qëndronin zgjuar për më shumë se 18 orë në ditë.
