Reshjet intensive përgjatë orëve të natës dhe ditës së sotme ka sjellë përmbytje të disa akseve rrugore në Durrës. Mësohet se situata paraqitet problematike në rrethrrotulimin e Stacionit të Trenit.
Ndërkohë në lagjet 1, 4 dhe 8 si pasojë e reshjeve ka përmbytje të rrugëve e trotuareve. Përmbytje janë regjistruar edhe në zonat periferike të Durrësi, si Shkozet, Plazh e Spitallë. Shtabi i Emergjencave raporton se hidrovorët në Porto Romano e Hamallaj punojnë me kapacitet të plotë.
