Shkrumbohet gjatë natës një automjet në qytetin e Elbasanit.
Mësohet se ngjarja ka ndodhur rreth orës 01.00 të së martës në lagjen “5 Maji”, ku një automjet tip Audi është përfshirë nga flakët .
Sipas burimeve zyrtare të policisë lokale Automjeti me targë AA 774 TE rezulton në pronësi të shtetasit të identifikuar si Marsel Karanxha.
Makina ishte e parkuar pranë banesës se pronarit dhe dyshimet paraprake janë për zjarrvënie të qëllimshme.
Policia ka nisur hetimet për zbardhjen e plotë të ngjarjes.