Lëkundjet e tërmetit që kanë prekur dhe Tiranën, kanë shkaktuar frikë dhe panik te banorët e kryeqytetit. Pjesa më e madhe e tyre kanë braktisur banesat dhe e kalojnë natën jashtë, ndërsa për autoritetet kanë vetëm një thirrje: Grupe ekspertësh për të konstatuar nëse shtëpitë janë të banueshme apo jo.
Ky pallat në zonën e “Freskut”, që strehon më shumë se 100 familje ka pësuar dëme të konsiderueshme nga tërmeti i 26 nëntorit.
Banori shprehet: “Janë totalisht të zbuluara, janë dy kate të nëndheshme që siç e shikojmë nuk janë nën dhe, por janë të zbuluar”.
Banorët i kanë braktisur shtëpitë, ndërsa ditët dhe netët I kalojnë jashtë.
Banori shprehet: Kam marrë tronditje jashtë mase tmerruese. Fëmijët janë tmerruar, madje atë ditë e kemi gdhirë jashtë. Edhe tani jam me dy fëmijë jashtë. S’kemi ku të vemi, s’kemi garanci, çtë bëjmë ne atje”.
Lëkundjet e herë pas hershme, thonë se i thellojnë edhe më shumë çarjet e mureve.
Banori thotë: “Shikojeni, kjo është prishur komplet.”
Por nuk janë vetëm pallatet e rrezikuara. Edhe kjo shtëpi private ka pësuar dëme në strukturën mbajtëse.
Ndërsa situata përkeqësohet akoma më shumë nga mungesa e rrugës.
Nga autoritetet kërkojnë vetëm një përgjigje.
Banori tha: “Ne kërkojmë që të vijnë një herë dhe të shikojnë se ky është komplet skandal. Autoritetet vetëm fjalë, kanë ardhur vetëm për të na thënë mos u shqetësoni, nuk ka asgjë”.
Megjithatë, në tiranë ka individë që tërmetin nuk e marrin seriozisht. Edhe pse autoritetet e kanë shpallur të pabanueshëm këtë pallat në zonën e Alliasit, banorët sërish futen brenda.
Banori shprehet: “Këtu nuk është pallati i pabanueshëm. Kemi fjetur mbrëmë ne të gjithë, brenda banesës tonë”.
A nuk keni frikë? Jo pse të kemi frikë ne, nuk ka ndonjë krisje. Kam edhe fëmijën madje duke fjetur brenda shpisë.
Lëkundjet e tokës së 26 nëntorit, shkaktuan më shumë se 49 viktima, ndërsa zonat më të prekura janë ata të Durrësit, Thumanës dhe në kryeqytet. /Ora News
