Debate në konferencë, Ministria i fik mikrofonin gazetares

686
Sigal

Në konferencën e mbajtur për mediat, ministrja e Arsimit, Besa Shahini nuk e ka pritur mirë pyetjen e bërë nga gazetarja , Kristi Gongo në lidhje me abuzimin seksual të të miturës në Babrru nga roja i shkollës. Teksa u pyeta nga gazetarja Kristi Gongo se pse nuk është vepruar në kohë kur në fakt kishin informacion nga drejtori i shkollës për rastin në fjalë, ministrja Shahini tha se nuk ka pasur informacion, duke mos e lejuar gazetaren të vazhdojë. Më pas mikrofoni i është hequr gazetares, ndërsa ministrja ka thënë se këto janë pyetje tendencioze.

Debati në Konferencë:

Gazetarja: Një pyetje për ministrinë, ju thoni se ndiheni krenare kur bëhet denoncimi për këtë çështje, por nga ana tjetër, ju kishit informacion për këtë çështje. Pse nuk vepruat?

Besa Shahini: Kjo nuk është pyetje, kjo nuk është profesionale.

Gazetarja: Kjo nuk është ajo që them unë.

Besa Shahini: Është nga ana juaj si gazetare, dashakeqëse.

Kristi Gongo: S’është nga ana ime, është nga ana e drejtorit të shkollës.

Besa Shahini: Është joprofesionale të bëni pyetje tendencioze.

Kristi Gongo: Nuk mund të më akuzoni për joprofesionalizëm.

Besa Shahini: Mos flisni për rastet se dëmtoni viktimat. Por çdo indikacioni që është denoncuar nga drejtori janë marrë masat e pezullimit dhe shkarkimit. Po ju vë në kontekst, si gazetar që mbuloni arsimin. Rojet e shkollës janë punësim i bashkisë. Në këtë rast, bashkia e ka tërheq rojen me kërkesën e drejtorit të shkollës. Nuk ka pasur kurrfarë njoftimi. Arsyeja pse mendoj se është pyetje joprofesionale është kjo, se një drejtor që jep deklarata pasi është shkarkuar, duhet të shtrohen pyetjet para se të bëni pyetje tendencioze.

(Fiket mikrofoni i gazetares