Një shqiptar ka humbur jetën në një kantinë vere në Itali. Tragjedia ndodhi dje, pak pas orës 11:30, në Cessalto brenda kantinës Corvezzo. Sipas një rindërtimi të ngjarjes së rëndë, punëtori shqiptar, 43-vjeçar, banues në zonë, Dritan Mecaj, është mbytur teksa punonte brenda një rezervuari çeliku, në një autoklave, që zakonisht përdoret për të ruajtur verën, shkruajnë mediat italiane.
Dioksidi i karbonit ishte fatal për 43-vjeçarin. Mjekët dhe infermierët ndërhynë dhe u përpoqën për ta mbajtur në jetë punëtorin, por nuk arritën.
Dritan Mecaj jetonte prej shumë vitesh në Itali dhe punonte në Vreshtat e Corvezzo që nga viti 1992 (pronari Renzo ishte president i futbollit Treviso), ishte i martuar me një shqiptare dhe ishte baba i një djali 11-vjeçar.
“Jemi të tronditur, ngushëllime të mëdha për familjen e tij: ai ishte i punësuar prej vitesh, një punëtor i madh”, tha kryebashkiaku i Cessalto, Emanuele Crosato.
