Arrihet marrëveshja dypalëshe, patentat shqiptare do të njihen edhe në Arabinë Saudite

52
Sigal

Tashmë patentat shqiptare do të njihen edhe në Arabinë Saudite. Lajmin e ka bërë të ditur ministria e Punëve të Jashtme, e cila thotë se janë përmbyllur të gjithë procedurat e marrëveshjes për njohjen reciproke të lejeve të drejtimit.

Ministria sqaron se marrëveshja, e cila hyn në fuqi 30 ditë pas përfundimit të procedurave, do të lehtësojë lëvizjen reciproke të qytetarëve, vizitorëve dhe turistëve të dy vendeve tona, përmes përdorimit të patentave, si dhe konvertimin e tyre.

Njoftimi i ministrisë

Përmbyllen procedurat e marrëveshjes për njohjen reciproke të lejeve të drejtimit mes Shqipërisë dhe Mbretërisë së Arabisë Saudite.

Pas përfundimit të procedurave të brendshme ligjore fillimisht nga pala jonë, Ministria e Punëve të Jashtme e Mbretërisë së Arabisë Saudite ka njoftuar përfundimin e procedurave të brendshme ligjore edhe nga pala e tyre.

Marrëveshja, e cila hyn në fuqi 30 ditë pas përfundimit të procedurave, do të lehtësojë lëvizjen reciproke të qytetarëve, vizitorëve dhe turistëve të dy vendeve tona, përmes përdorimit të patentave, si dhe konvertimin e tyre.