“Asnjë firmë ndërtimi në Vlorë nuk ka fituar asnjë lekë nga punët publike që po kryhen në Vlorë… Madje firmat e importuara nga Tirana kanë ndërtuar edhe pikat e tyre të betonit, siç është ai te ish Moli i Naftës”.
Kështu ka deklaruar ndër të tjera kryetari i Dhomës së Tregtisë, Z. Arben Breshani, në një tjeter prononcim publik në lidhje me situatën ekonomike në Vlorë.
Nuk është hera e parë që Z. Breshani ka ngritur zërin për problematikat e shumta që ka shfaqur biznesi i Vlorës si pasojë e krizës ekonomike, që është duke krijuar pandemia.
Në një proncim të pak ditëve më parë kryetari i Dhomës së Tregtisë për Qarkun e Vlorës, i ka cilësuar paketat ekonomike të qeverisë si ndihma sociale dhe jo si zgjidhje ekonomike reale për biznesin.
Ky është një nga rastet e shumta ku Z.Breshani në cilësinë e kryetarit të Dhomës së Tregtisë, njëkohësisht sipërmarrës në sektorin e ndërtimit ka mbajtur qëndrim publik në mbështetje të biznesit duke i kërkuar vazhdimisht qeverisë të jetë konkrete në mbështjetje ndaj biznesit, sidomos në sektorin e ndërtimit dhe të turizmit.
Sektori i turiznit është më i godituri nga kriza dhe kjo do të shkaktojë krizë të madhe ekonomike për qytetin, i cili në rreth 60-70% të tij eshtë i lidhur me këtë sektor.
