‘Luan‘ bixhoz me lekët e klientëve me shitjet në ajër.Pas fundosjes së pallateve alarmohen qytetarët, nisin të anulojnë pronotimet e apartamenteve.Porti i Durrësit në kthetrat e kontrabandës së naftës dhe zhdukjes së portit
Porti i Durrësit në kthetrat e kontrabandës së naftës, zhdukjes së portit dhe 3 mld euro investim me paratë e taksapaguesve shqiptarë
Alabar si ‘Sudet’ e kohwve moderne ‘luan‘ bixhoz me lekët e klientëve (pjesa më e madhe e të cilëve shqiptarë) me shitjet në ajër! Kush do të mbajë përgjegjësi nëse pas disa vitesh godina vazhdon të ulet sërish apo të anojë?
Po prishet një pasuri që vlen qindra milion euro siç është Porti i Durrësit, me paratë e taksave të shqiptarëve po financohet një projekt tjetër që kushton 390 milion euro vetëm për Fazën e Parë, që t’i hapim rrugën investimit 13.3 milion euro (bashkë me kapitalin që ka shtuar në 2025-n) të kompanisë nga Dubai, Eagle Hills Real Estate!
Mohamed Alabar u shfaq si “shpëtimtar” i zhvillimit të Portit të Durrësit, propaganda zyrtare në Tiranë e paraqiti si një investim epokal, me kulla, jahte dhe milionerë që do sillnin zhvillim. Por, realiteti i atij projekti ishte një koncesion i errët, i dhënë pa garë, pa transparencë dhe në kundër interesave të ekonomisë kombëtare shqiptare.Zhvillimet e fundit kanë ngritur pikëpyetje të reja mbi qëndrueshmërinë e projektit dhe standardet e ndërtimit të zbatuara deri më tani.Pas reagimit zyrtar të një dite më parë nga IKMT, ku u konfirmua se dy godina në projektin “Durrës Marina” kanë shfaqur ulje strukturore, situata ka nisur të ndikojë drejtpërdrejt edhe te interesimi i qytetarëve për blerjen e apartamenteve në këtë kompleks. Disa qytetarë që kishin kryer prenotime ose ndodheshin në proces blerjeje, janë paraqitur pranë zyrave të shitjes për të anuluar rezervimet apo për t’u tërhequr nga kontratat ekzistuese.
01
Ola Xama: Fasada e Durrës Marina ra !
Durrës Yacht Marina u prezantua fillimisht si një nga investimet më të mëdha të huaja që do të realizoheshin në Shqipëri dhe se do të transformonte qytetin e Durrësit në epiqendër të turizimit të jahteve në Europë.
Kur kontrata me kompaninë private të familjes së Mohamed Alabbar u miratua në Kuvend, u kuptua qartë se ajo që ishte thënë nuk kishte lidhje me projektin që miratohej. Më shumë se sa marinë turistike (që planfikohet të ndërtohet në fund), portin më të rëndësishëm tregtar të vendit do e zëvendësonte një projekt masiv ndërtimi me pallate dhe hotele. Me një ndryshim: financimi nuk do të ishte i kompanisë me bazë në Emiratet e Bashkuara Arabe, por i blerësve.
Bilancet e kompanisë Durrës Marina, vlera e punimeve për vitin 2023 dhe 2024 është 41 milion euro, nga të cilat investimi i kompanisë Eagle Hills është 7.4 milion euro. Shumica e punimeve janë financuar me paratë e kontratave të shitjes përmes të cilave janë mbledhur 36 milion euro. Me këtë që ka ndodhur, investitori ka luajtuar bixhoz me lekët e klientëve
Në planin e biznesit, kompania merrte përsipër të investonte vetëm 6.8% të projektit (3.4% kredi nga banka) dhe pjesa dërrmuese e parave do të sigurohej nga lidhja e kontratave të parashitjes. Toka ku ndërtohej dhe taksa në infrastrukturë ishin kontribut i shtetit shqiptar që ka 33% në kompaninë Durrës Marina. Në fund, pasi investonte 80 milion euro para të saj, Eagle Hills Real Estate Development planfikonte të fitonte 572 milion euro, me një normë kthimi investimi 615%!Pasi propaganda se paratë që do të financonin Durrës Marina ishin investime të huaja ra, në publik u shit fabula se projekti do të ishte ndër më të mirët sa i takon punimeve inxhinierike dhe arkitekturës, pasi vinte të ndërtonte firma e një prej drejtuesve të Emaar Group, kompani që kishte ndërtuar Burj Kalifa, Marina Dubai, Dubai Mall etj.Tashmë dhe kjo fasadë ra. Projektimi është bërë nga kompani shqiptare dhe ndërtimin po e bëjnë po ato. Nga 5 godina që po ngrihen, dy janë fundosur me disa centimetra dhe rrezikojnë prishjen.Nëse sheh bilancet e kompanisë Durrës Marina, mund të konstatosh shumë lehtë se vlera e punimeve për vitin 2023 dhe 2024 është 41 milion euro, nga të cilat investimi i kompanisë Eagle Hills është 7.4 milion euro. Shumica e punimeve janë financuar me paratë e kontratave të shitjes përmes të cilave janë mbledhur 36 milion euro. Me këtë që ka ndodhur, investitori ka luajtuar bixhoz me lekët e klientëve (pjesa më e madhe e të cilëve shqiptarë)!Ky rrezik ka ardhur për shkak të modelit të financimit që kanë miratuar në kontratën e projektit deputetët e Kuvendit dhe që ndodh si fenomen në të gjithë tregun e ndërtimit në Shqipëri. Mbrojtja për konsumatorin është zero: ai jep paratë e financimit, merr përsipër çdo risk – ndërsa investitori që ka siguruar lejen e ndërtimit vjel fitimin!Por përveç kësaj, shifrat tregojnë se historia e projektit Durrës Marina nxjerr të humbur jo vetëm ata që kanë blerë apartamente, por të gjithë qytetarët shqiptarë. Po prishet një pasuri që vlen qindra milion euro siç është Porti i Durrësit, me paratë e taksave të shqiptarëve po financohet një projekt tjetër që kushton 390 milion euro vetëm për Fazën e Parë, që t’i hapim rrugën investimit 13.3 milion euro (bashkë me kapitalin që ka shtuar në 2025-n) të kompanisë nga Dubai, Eagle Hills Real Estate!
02
Cara: Rrezikojmë të mbetemi pa port,”Durrës Marina, 74 cm e zhytur nën tokë dhe 3 miliardë euro në ajër!
Deputeti i Partisë Demokratike, Igli Cara u shpreh se projekti “Durrës Marina” përbën një aferë të rëndë korruptive dhe një rrezik serioz për sigurinë publike.Cara akuzoi kryeministrin Edi Rama se ka falur një aset kombëtar me vlerë mbi 3 miliardë euro, si dhe taksa në vlerën e 231 milionë eurove.Ai tha se Shqipëria rrezikon të mbetet pa port funksional, ndërsa kujtoi se PD ka denoncuar prej kohësh problematikat e projektit, duke iu referuar studimeve gjeologjike dhe gjeomorfologjike të realizuara nga kompani ndërkombëtare, sipas të cilave zona paraqet vështirësi ndërtimi.Sipas tij, verifikimet e fundit kanë treguar ulje të objekteve të ndërtuara në zonë, ndërsa kritikoi institucionet për mungesë përgjegjësie dhe transparence mbi shkaqet e problematikës.Partia Demokratike kërkoi pezullimin e menjëhershëm të punimeve deri në përfundimin e një ekspertize të pavarur tekniko-inxhinierike, si dhe ndërhyrjen e SPAK për hetimin e çështjes.
