Sigal

Një aksident i rëndë ka ndodhur pasditen e sotme në një nga zonat më të populluara të Tiranës.

Një makinë ‘Touareg’ duke ecur me shumë shpejtësi ka përplasur 2 makina të tjera që kanë qenë të parkuara dhe një makinë tjetër që sapo po dilte nga parkingu.

Ngjarja e rëndë ka ndodhur në rrugën ‘Tish Daija’ në Komunën e Parisit.

Siç kanë bërë të ditur dëshmitarët, fuoristrada ‘Touareg’ ishte me shpejtësi kur ka përplasur dy makina tip ‘Benz’ dhe një ‘Golf’.

Mjeti tip ‘Golf’ i drejtuar nga një vajzë ka qenë duke dalë nga parkingu kur është përplasur.

Drejtuesja e këtij mjeti është dërguar me urgjencë për në spital, ndërsa sipas të dhëna ka marrë disa plagë.

Policia ka mbërritur në vendin e ngjarjes dhe ka nisur hetimet.