Si të humbim peshë?

241
Dr. Burak Kadir Koza 

Bypassi Gastrik, tendenca e re dhe mundësia më e mirë për të luftuar obezitetin! Por mos u mjaftoni vetëm me kaq..shtoni pak aktivitet fizik dhe dietë të pasur ushqimore!  Bypass-i Gastrik është një kirurgji që ju ndihmon të humbni peshë duke zvogëluar stomakun, pra aftësinë dhe kapacitetin e tij për të mbajtur ushqimin që ne hamë.

Vetëm bypass-i gastrik nuk është zgjidhja përfundimtare për humbjen e peshës. Në fakt të ndihmon të hash më pak, por sërish juve do t’ju duhet më shumë përkushtim. Që të humbni peshë dhe të evitoni komplikacionet e kësaj kirurgjie, ju duhet të kryeni ushtrime dhe të ushqeheni sipas guidës dhe dietës së rekomanduar nga mjeku specialist. Pas kirurgjisë, stomaku juaj do të jetë zvogëluar. Ju do të ndjeheni të ngopur me pak ushqim. Ushqimi që do të hani tashmë nuk do të shpërndahet nëpër pjesët e stomakut tuaj dhe zorrën e vogël që e shpërbën atë. Kjo, sepse trupi juaj nuk do të mund të absorbojë të gjitha kaloritë nga ushqimi që ju konsumoni.
Parapërgatitja
Me rekomandimin e stafit të specializuar mjekësor ju do të kryeni një sërë testesh laboratorike dhe ushtrimesh përpara se të kryeni ndërhyrjen. Ju duhet t’i bindeni një diete në ushqim dhe në medikamentet që do të merrni. Mund t’ju rekomandohet dhe një program aktiviteti fizik, si dhe lënia e duhanit nëse jeni duhanpirës/e. 
Procedura kirurgjikale
Pas vendosjes së anestezisë së përgjithshme, këto janë dy hapat që ndiqen për procedurën kirurgjikale:

1. Hapi i parë është rruga drejt zvogëlimit të stomakut. Kirurgu do të përdorë kapëse për të ndarë barkun tuaj në dy pjesë të vogla; të sipërmen dhe në një pjesë më të madhe të poshtme. Seksioni kryesor i stomakut tuaj (i quajtur qese, në madhësinë e një arre) është vendi ku shkon ushqimi që ju konsumoni. 

2. Hapi i dytë është bypassi gastrik. Mjeku do të bëjë lidhjen e një pjese të zorrës suaj të vogël (jejunum) me një vrimë të vogël në qesen tuaj të stomakut. Tashmë, ushqimi që do të konsumoni do të kalojë nga qesja e stomakut në këtë hapje të re në zorrën e vogël. Për këtë arsye, tani trupi juaj do të absorbojë më pak kalori. 

Bypassi Gastrik realizohet nëpërmjet 2 lloje ndërhyrjesh. Me kirurgji të hapur dhe me ndërhyrje mini-invazive. 
Mënyra e dytë, e quajtur laparoskopi, realizohet nëpërmjet një kamerë të hollë që vendoset në stomakun tuaj. 
Fillimisht, kirurgu do të bëjë 4 deri në 6 prerje të vogla në barkun tuaj. Në çdo prerje do të depërtojë tubi laparoskopik, i cili do të lidhet me video monitorin në sallën operative.
Avantazhet e laparoskopisë në krahasim me kirurgjinë e hapur janë:

1. Qëndrim i shkurtër në spital dhe shërim i shpejtë.
2. Më pak dhimbje
3. Shenja të vogla të ndërhyrjes dhe rrisk i ulët infeksioni
4. Kohëzgjatja e ndërhyrjes është 2 deri në 4 orë
Sipas një studimi, tek pacientët që kryejnë këtë lloj ndërhyrje për të humbur peshë; tensioni i gjakut, nivelet e kolesterinës dhe diabeti i tipit 2 ishin më të ulta se tek pacientët që nuk ishin bërë këtë operacion. Studimi tregoi se zvogëlimi i stomakut mund të kurojë diabetin e tipit 2.
Por këto përfitime kanë një kosto. Bypass- i gastrik nuk është një “ zgjidhje e shpejtë” për obezitetin. Ju gjithashtu duhet të mbani një regjim ushqimor dhe të kryeni sa më shumë aktivitet fizik. Gjthashtu duhet të njiheni me risqet e kësaj kirurgjie dhe sesi pritet të jetë jeta dhe dita juaj pas kësaj ndërhyrjeje. Shumica e pacientëve humbin nga 10 deri në 20 kg në muaj gjatë vitit të parë pas kirurgjisë. Duke mbajtuar një dietë ushqimore dhe ushtrime fizike mund të humbni peshë edhe më herët.