Alvin Berisha tregon tmerrin e luftës në Siri: Pashë mamin kur vdiq nga bombat

497
Sigal

Vogëlushi shqiptar, Alvin Berisha, ka rrëfyer para hetuesve italianë tmerret e përjetuara gjatë qëndrimit pesëvjeçarë në Siri.

Ndër të tjera, Alvini ka treguar edhe momentin e vrasjes së nënës së tij në luftë. Ai është shprehur se ka qenë pranë saj dhe ka parë gjithçka.

“Mami im vdiq gjatë një bombardim, isha afër ”, ka thënë Alvini.

Ndërkohë, vogëlushi vijon të jetë në gjendje të rënduar psikologjike, teksa ka vetëm pak ditë që është shpëtuar nga kampi i ferrit “Al Hol” dhe është dërguar pranë familjes në Itali.

Në momentin e nxjerrjes nga kampi, ai u pa duke çaluar, pasi ishte plagosur në këmbë. Për këtë arsye, Alvini do t’i nënshtrohet një operacioni në spital.