Ti zemrën, s’ma mbyll dot,
Jo, jo, s’ma mbyll dot mua!
Se do vij të ta them copë,
të ta them se sa të dua!
Se për ty nuk jam i huaj!
Këtë mos e shko ndërmend.
“Të dua!”, – do vij ta shkruaj,
ta shkruaj në shpirtin tënd.
Nëse një Ditë…
Nëse një ditë, zërin s‘ma dëgjon më,
dhe ti ke shumë mall për mua…
Lexoji vargjet e dedikuara një nga një;
aty do kuptosh se të kam dashur dhe të dua.
Kur të jeshë e trishtuar e gjendesh në vështirësi;
të gjitha premtimet e mia, ti, mbaji në mend!
Gjithmonë, me shpirt e zemër do të jem te ti!
Në çdo kohë do jem dielli i agimit tënd.
Nëse ndihesh vetëm e në shpirt ke ftohtë,
E rrotull teje nuk shikon më dritë:
Mendo dashurinë tonë të ngrohtë!
Me të s‘do ndihesh vetëm, për asnjë ditë.
