IsmailXhaferri
DRIDHE…………….
Dridhe se po vjen momenti,
Kohe zgjedhjesh po afron,
Dridhe more i pacipë,
Dridhe siç e dredh gjithmonë!
Dridhe zvaranik i kohës,
Dridhe o kameleon,
Nis prap lojën me dy porta,
Se s’dihet se kush fiton!
Shaj pas krahëve pushtetarët,
Bëji edhe me shumë i pis,
Ndersa kur i ke përballë,
Puthu pjesën nën kurriz!
Shaj me radhë gjithë deputet
Thuaj se të kanë zhgënjyer
Dhe pse ti për ta kurrizin,
Në karrige e ke kthyer
Shaj ministrat që të gjithë
Shaji more palo burrë
Ministrat që kur kalonin
Ti përuleshe si urë.
Dhe kur je me pushtetarët
Bëj atë që të ka hije
Shaj ata të opozitës
Shaji me libër shtëpie
Shaji siç ke berë gjithmonë
Kokë e këmbë hipokrizi
Vendos maskën në fytyrë,
Shaj pas kraheve mburr n ë sy
Për interesat e tua
Bëhesh mik edhe me djallin,
Dhe pastaj n ë tavolina,
Jep mendime për moralin
Me 1001 fytyra
Krejt pa nder e dinjitet
Here i majtë e herë i djathtë
Varet kush është në pushtet
Ti i ke të gjitha teserat
T ë PD-së, të socialistit
Sot ve yllin Partizan,
Nesër shkabën e ballistit.
U bënë gati 30 vite
Që nuk del dot prej gjirizit
Nuk e di në e ke marrë
Tesrën e Myslim Murizit?!
O njeri i nevertshëm
Si ty s’dua të jem kurrë
Sepse ti për një copë pune
Je bërë si karikaturë
