Max Verstappen i Red Bull dominoi në pistën e ekipit të tij për herë të dytë brenda javës për të marrë kryesimin e kampionatit për pilotë. Fitorja e Verstappen në Grand Prix të Austrisë ishte e katërta në pesë gara dhe e çoi atë në epërsi prej 32 pikësh ndaj rivalit të titullit, Lewis Hamilton.
Piloti i Mercedesit kishte një garë të trazuar dhe përfundoi i katërti pas shokut të ekipit Valtteri Bottas dhe Lando Norris i McLaren. Dominimi i Verstappen venit edhe më tej shpresat e Hamiltonit për një titull të tetë këtë vit.
Ndodhi një incident i çuditshëm në xhiron e fundit kur Kimi Raikkonen u shfaq për të bërë një manovër të gabuar dhe e futi Alfa Romeon e tij mes Aston Martin të Sebastian Vettel dhe makinën e George Rusell.
Verstappen kontrolloi garën që në nisje për të dërguar mijëra tifozë holandezë që kishin udhëtuar në Styria për të ndjekur garën. Ai u shkëput qartë në xhiron e hapjes, ndërsa Hamilton sfidoi Norris për vendin e dytë në pjesën e parë të garës.
Hamiltonit iu deshën 20 xhiro para se të gjente një mënyrë për të kaluar Norrisin, por ishte shumë vonë, pasi Verstapen ishte shkëputur me 10 sekonda.
Piloti i Red Bull vazhdoi ta thellojë epërsinë deri në fund. Gara e Hamilton mori një kthesë për keq kur ai dëmtoi bazamenti e makinës së tij gjatë fërkimit me tokën në kthesën e fundit dhe nga kjo përfituan Bottas dhe Norris që e parakaluan,.
