Tronditet futbolli shqiptar. Lojtari i të rinjve të Skënderbeut, Dorian Tahirllari, humbi betejën me jetën në moshën 18-vjeçare. Futbollisti zbuloi para një viti se vuante nga tumori malinj në stomak, shtyllën kurrizore dhe në veshka, teksa kërkoi ndihmën e njerëzve për të kryer operacionin. Paçka vuajtjeve të mëdha dhe kurimeve, Doriani nuk ia doli ta kalojë përfundimisht këtë sëmundje. Mbrëmjen e djeshme, 18-vjeçari ka ndërruar jetë, duke sjellë një pikëllim shumë të madh tek të gjithë njerëzit që janë njohur me rastin e tij.
