Gazeta katalanase “El Nacional” thekson se futbollisti i Real Madridit, Isco Alarcon po kërkon të transferohet falas në Barcelonë.
Tradhtia, siç e quajnë shumë në Spanjë, nuk ka ndodhur për 14 vjet që kur Javier Saviola u transferua falas nga Real Madridi në Barcelonë.
Kjo është pikërisht ajo që mund të ndodhë verën e ardhshme kur skadon kontrata e mesfushorit spanjoll me Realin. Edhe pse Isco nuk po shkëlqen prej ca kohësh, por potenciali e tij dihet tashmë dhe mund ta ndihmojë jashtëzakonisht shumë Barcelonën.
Isco ka kontratë me Realin deri në qershor 2022. Pas kësaj, nëse nuk vazhdon bashkëpunimin me Klubin Mbretëror, është i lirë të firmosë me kë klub dëshiron.
Kujtojmë, Isco mbërriti tek Real për 30 milionë euro nga Malaga në vitin 2013. Edhe pse zhvilloi ndeshje shumë të mira në fillimet e aventurës së re, kohët e fundit nuk ka qenë në nivelin që pritej.