Moisi Dalipi
Pas ndeshjeve të ekipit tonë kombëtar, për dy ditë më 14 dhe 15 shtator janë rikthyer ndeshjet e javës katërt të Kategorisë Superiore. E veçanta që pamje të parë konstatohet në atë se të gjitha ndeshjet janë zhvilluar në ora 16.00 për faktin jo për minimizuar aleancat fluide dhe lëshimet në rezultat siç ndodh rëndom në ndeshjet e fundit të sezonit, por për arsyen e vetme, sepse në stadiumet tona sistemi ndriçimit nuk garanton zhvillimin normal të ndeshjeve. Më mirë këtë fakt e vërtetoi ndeshja e javës dytë Tirana –Teuta e zhvilluar në stadiumin “Selman Stërmasi” të kryeqytetit, ku defekti në sistemin elektrik bëri që ndeshja të ndërpritej më shumë se 20 minuta . Gjithsesi, le të kthehemi tek rezultatet dhe ato çka prodhuan skuadrat në fushën e lojës këtë javë. Rezultatet janë këto:
Java e katërt (14-15 Shtator )
Tirana 3-1 Skënderbeu
Teuta 0-0 Vllaznia
a Laçi 1-0 Partizani
Bylis 2-1 Kukësi
Luftëtari 2- 1 Flamurtari
Klasifikimi
1. Tirana 10 pikë
2. Tetuta 8 pikë
3. Bylis 7 pikë
4. Kukësi 7 pikë
5. Partizani 6 pikë
6. Skënderbeu 6 pikë
7. Vllaznia 5 pikë
8. Laçi 4 pikë
9. Luftëtari 3 pikë
10. Flamurtari 0 pikë
Pa asnjë dyshim që kryefjala e kësaj jave është Tirana që me fitoren 3-1 ndaj Skënderbeut ka marrë kryesimin për të treguar se ky kampionat që përkon dhe me 100-vjetorin e krijimit S.K Tiranës, e ka të fortë dëshirën të shpallet kampione për herë të 25–të në historinë e saj një shekullore. Pas katërt javëve është në krye me 10 pikë me bilancin; tre fitore dhe një barazim, me golavarazhin 8 gola të shënuar dhe vetëm 1 (një) të pësuar. Bukur fort bardhëeblutë, të cilët dhe përballë Skënderbeut treguan se janë një skuadër që e kërkojnë fort suksesin. Goli parë i shënuar në minutat shtesë të pjesë parë 45`+21 nga sulmuesi Ngo i dha më shumë siguri Tiranës në lojën e saj. Barazimi përkohshëm në minutën e 66` nga Pollozhani për korçarët, duket se i mobilizoi më shumë tiranasit që kalojnë në avantazh në minutën e 85’ me anë të Grent Halili që në fushë është thjesht një futbollist që di vetëm të shënojë. Tre gola në katër javë kampionat ka shënuar ky djalosh 21-vjeçar duke shënuar emrin në top listën e golashënuesve jo vetëm të skuadrës tij, por dhe në atë të kampionatit. Dhe kur mendohej se ndeshja do mbyllej me këtë rezultat , është mbrojtësi Hoxhallari që ka shënuar golin e tretë duke fiksuar shifrat në 3-1.
Festë në Mallakastër! Skuadra e Bylisit ka fituar në me rezultatin 2-1 ndaj nënkampionëve të Kukësit, duke iu marrë edhe vendin e tretë në klasifikim fal golavarazhit më të mirë. Një fitore me përmbysje kjo për Bylisin që pasi e pa veten në disavantazh në minutën e 15’ 1 me golin e shënuar nga Vesel Limaj, ka barazuar me anë të portierit Isi Hidi me penallti në minutën e 31’ të pjesës së parë. Goli dytë që shënon ky portier me penallti, se një gjë të tillë e ka bërë dhe javën e tretë, në atë fitore historike të ballshiotëve 0-3 në Korçë me Skënderbeun. Në pjesën e dytë, që është dhe më bukura e kësaj ndeshjeje, dhe pikërisht në fundin e saj në minutën e 89’ djaloshi mallakastriot Valentino Murataj do shënonte atë gol fitoreje që do ndizte festën e gëzimit. Por ka festuar si i çmendur për golin dhe fitoren Murataj, ndaj gjyqtari nuk e ka kursyer kartonin e kuq. Gjithsesi Bylis i jep leksion të mirë Kukësit, se kampionati nuk fitohet me eufori. Laçi fiton 1-0 me Partizanin dhe merr tre pikët e para të plota. Ka mjaftuar një gol i shënuar nga Lushkja në minutën e 60’ të ndeshjes që vendasit t’i rrëmbejnë fitoren Partizanit, ashtu siç kanë bërë dhe më parë në këto sezonet e fundit. Partizani, trajnerit italian Lerda jo vetëm që nuk bindi me lojë, por tregoi qartë se me besimin e të qenit kampion në fuqi nuk luhet futboll dhe nuk fitohet ndeshja. Në katër javë vetëm 6 pikë me dy fitore dhe dy humbje, çka do të thotë se Partizani është prekur tashmë nga kriza e rezultateve.
Teuta dhe Vllaznia janë ndarë në “paqe” pas atij barazimi 0-0 në stadiumin “Niko Dovana”. Një pikë që kënaq shumë shkodranët për këtë ndeshje transferte, kur mendon se Vllaznia ka luajtur për më shumë se 37 minuta me 10 futbollistë, për arsye se Ramadani është ndëshkuar me karton të kuq në minutën 53` të ndeshjes. Nga ana tjetër Teuta që e kërkoi shumë fitoren me synimin për të kapur kreun e klasifikimit nuk ka qenë e kënaqur me vetveten, por dhe me gjendjen që kishte fusha e lojës. Jashtë vëmendjes së tyre nuk ka mbetur dhe gjyqtari Kridens Meta për të cilin bregdetasit pretendojnë për një gol të anuluar, të shënuar në minutën e 43` nga kapiteni Arapi. Luftëtari arrin që pas katër javëve kampionat të shijojë fitoren e parë. Dhe e ka arritur atë në ndeshjen e “derbit të jugut” me Flamurtarin , duke fituar me rezultatin 2-1. Personazhi kryesor i kësaj ndeshjeje për gjirokastritët bëhet fieraku 23-vjeçar Realdo Fili me dy golat e shënuar , duke bërë të pavlefshëm barazimin e përkohshëm të vlonjatëve të realizuar në minutën 72` me anë të Vatnikaj. Kështu, Luftëtari gjen fitoren e parë, pas katër javëve kampionat kur vetëm një javë më parë drejtimin e skuadrës e ka marrë trajneri grek Jorgos Marantasi. Ndërkohë një histori më vete kjo paraqitje tërësisht zhgënjyese e Flamurtarit në këtë fillim kampionati që pas katër javëve të para të këtij kampionati i mungon fitorja e parë .Në katër javët e para të këtij kampionati Flamurtari nuk ka arritur të marrë qoftë dhe një pikë. Ka arritur të shënojë vetëm një gol dhe ka pësuar shtatë. Në katër javët e para të këtij kampionati Flamurtari vazhdon të qëndrojë në vendin e fundit të klasifikimit. Dhe premton për ndryshimin e pritshëm në të ardhmen. Këto vlerësime, por dhe shumë të tjera si këto mund t’i bëjë kushdo që ka ndjekur sado pak ecurinë negative të kësaj skuadre në këtë kampionat. Nga do që t’i kthesh krahasimet dhe llogaritë me sezonet dhe kampionatet e kaluara të Flamurtarit, skuadra e këtij sezoni rezulton se ky është starti dhe vijueshmëria më e keqe në katër javë e para të kampionat për Flamurtarin. Ku po shkon kështu Flamurtari? Përgjigja dihet, se po u vazhdua kështu, me këtë ritëm. me këto rezultate fundi këtij kampionati do ti rezervojë skuadrës vlonjate një vend në “odën” e Kategorisë së Parë. Më parë Flamurtari e ka provuar këtë “shije” të hidhur në fund të sezonit 2003 -2004 Dhe e ka kryer “stazhin” për t’u rikthyer në Kategorinë Superiore jo si Tirana dhe Vllaznia me një sezon, por me dy të tillë dhe pikërisht në sezonet 2004-2005 dhe 2005-2006 . Por ndryshe nga ai kampionat ku Flamurtari piketoi vetë rënien një kategori më poshtë, kësaj radhe gjërat duket edhe më keq. Kështu në atë sezon Flamurtari në katër javët e para e kishte marrë një pikë pas tre humbjeve rresht, me atë barazimi 0-0 me Besën në Kavajë Duke kërkuar të analizohen shkaqet e dobësitë, rezulton se Flamurtari për këtë sezon ka krijuar një skuadër vetëm për të qenë prezent në garë dhe jo për t’u ballafaquar javë pas jave të sezonit me kundërshtarët.
Java e parë e Kategorisë Parë
Ditën e shtunë 20 skuadrat e Kategorisë Parë, të ndara me një 10 skuadra në dy grupe A dhe B nisën garën e tyre për sezonin 2019 -2020. Ky është sezoni i 17 –të i kësaj kategorie të futbollit tonë të pagëzuar kështu në fund të sezonit 2002-2003 . Edhe pse të 20 skuadrat u njohën me kalendarin e sezonit, vetëm pesë ditë përpara fillimit të garës java e parë e tyre evidentoi dhe problem për më tepër gjendjen e fushave. Kështu Veleçiku dhe Besa janë të detyruara të “shtegtojnë” diku në kërkim të një fushe për të luajtur futboll. Për grupin A rezultatet e javës së parë janë këto:
Grupi A Rezultatet
Kastrioti 3-2 Egnatia
Besëlidhja 3-0 Korabi
Veleçiku 0-3 Erzeni
Tërbuni 2-0 Dinamo
Shkumbini 2-0 Burreli
Siç shikohet në pesë ndeshjet s’ka asnjë barazim, ku janë shënuar plot 15 gola me mesataren 3 gola për ndeshje. Krutanët e rikthyer në këtë kategori fitojnë me vështirësi me rrogozhinasit. Besëlidhja me atë 3-0 me Korabin do të thotë që është pretendente, ashtu si dhe Erzeni ku foton në trasnfertë 0-3 me Veleçikun. Tërbuni dhe Shkumbini fitojnë pastër me rezultatet 2-0 kundër Dinamos dhe Burrelit. Në grupin B surpriza e ka emrin, Devolli i zonës Bilshitit që fiton me një 3-0 ndaj Pogradecit. Ndeshjet e javës së parë dhanë këto rezultate:
Grupi B – Rezultatet
Devolli 3-0 Pogradeci
Oriku 2-1 Besa
Elbasani 0-1 Apolonia
Lushnja 4-1 Shënkolli
Turbina 1-0 Iliria
Plot 13 gola të shënuar në pesë ndeshje. Mesatare e kënaqshme ku Lushnja me atë 4-1 ndaj Shënkollit tregoi pretendime për kreun e grupit, sikundër dhe Apolonisë që fiton në transfertë 0-1,me Elbasanin. E veçantë fitorja përuruese me shifrat 3-0 e Devollit të Bilishtit kundër Pogradecit. Turbina fiton ngushtë me 1-0 ndaj Ilirisë, por janë tre pikë me vlerë. Ndërkohë “Oriku” përmbys me një 2-1 Besën, duke përcjellë me fitore atë ceremoni që dhuroi fillimi i ndeshjes, ku shkelmimin simbolik të topit të parë e kreu një ish-futbollist i shquar i Flamurtarit dhe ekipit tonë kombëtar, Geri Çipi.