300 milionë stërlina dhe çdo gjë ka marrë fund! Mungon vetëm zyrtarizimi, që pritet të vijë më 1 qershor, por Njukastëll Junajtid ka de fakto një pronar të ri: fondin e investimeve publike të Arabisë Saudite, që ekziston që prej vitit 1971 pas dekretit mbretëror të mbretit të Arabisë Saudite dhe që ka kapital prej 320 miliardë dollarësh.
Pronari aktual i “qymyrxhinjve”, raporton “The Sun”, ka pranuar shumën e ofruar dhe Premier League gjithashtu ka dhënë “ok” për transferimin e pronësisë. Kështu në kampionatin anglez shtohet një tjetër konkurret potencial për titullin kampion, që do të rivalizojë me skuadrat e Londrës, Mançesterit dhe natyrisht Liverpulin.
