Lojtari më i mirë u shpall Lionel Mesi, që vjet fitoi vetëm La Ligan me Barcelonën, por argjentinasi u nderua me çmimin “The Best”, për paraqitjen e tij personale.
Favorit paraqitej Virxhil Van Dajk, i cili fitoi Champions League me Liverpulin, si dhe u shpall lojtari më i mirë në Premier League. Në këtë çmim garonte edhe Kristiano Ronaldo, por portugezi nuk ishte i pranishëm në sallë.
Çmimi “Puskas” për golin më të bukur, shkoi për Daniel Szori, lojtari i Debrecenit, që ishte më i votuari, për golin e tij ndaj Ferencvarosh. FIFA dha edhe çmimin “The Best” për futbollin e femrave, e cila u fitua nga Megan Rapino.
Më tej, u dhanë edhe çmimi për tifozin e vitit, çmimi “Fair-Play”, si dhe formacionet më të mira për femra e meshkuj. Më poshtë, një tablo e plotë e çmimeve të akorduara këtë mbrëmje.
ÇMIMET “THE BEST” LIVE
LOJTARJA MË E MIRË – MEGAN RAPINO
Çmimi për lojtaren më të mirë femër shkoi për Megan Rapino. Lojtarja 34-vjeçare amerikane, u shpall fituese në këtë çmim, teksa të nominuara ishin edhe Morgan e Bronze.
bandicam 2019-09-23 22-07-15-571
LOJTARI MË I MIRË –LIONEL MESI
Çmimi “The Best”, si lojtari më i mirë tek meshkujt u shpall Lionel Mesi. Një befasi në këtë çmim, teksa të gjithë prisnin Virxhil Van Dajk, por në fund argjentinasi u shpall triumfues. Në këtë çmim, garonte edhe Kristiano Ronaldo, që nuk ishte i pranishëm në ceremoninë e sotme.
FORMACIONI MË I MIRË
Alisson, De Ligt, Sergio Ramos, Van Dijk, Marcelo, Modric, De Jong, Hazard, Mbappé, Messi dhe Cristiano Ronaldo
TRAJNERI MË I MIRË TEK FEMRAT – XHILL ELLIS
Xhill Ellis u shpall trajnerja më e mirë në futbollin e femrave. Në çmimin e akorduar nga Hoze Murinjo, të nominuara ishin edhe Fill Neville dhe Sarina Uigman.
PORTIERI MË I MIRË – ALISON BEKER
Portieri më i mirë i sezonit që lamë pas, u shpall braziliani Alison Beker. Gardiani i Liverpulit, u shpall kampion në Champions League me të kuqtë. Në garë bashkë me të, ishin edhe Ederson i Mançester Sitit, si edhe Mark-Andre Ter Shtegen I Barcelonës.
FORMACIONI MË I MIRË PËR FEMRA
Van Veenendaal, Lucy Bronze, Fischer, O’Hara, Renard, Ertz, Henry, Lavelle, Marta, Morgan y Rapinoe.
ÇMIMI FAIR-PLAY – MARSELO BIELSA
Trajneri I njohur, Marselo Bielsa, tashmë në krye të Lids Junajtid, iu akordua çmimi “Fair-Play”, për faktin se në takimin ndaj Aston Vilës sezonin e kaluar, i detyroi lojtarët e tij të linin një gol ndaj kundërshtarit, sepse Lidsi shënoi teksa një nga lojtarët e Aston Vilës ishte I shtrirë në tokë I dëmtuar. FIFA e ka vlerësuar këtë gjest nga Bielsa.
PORTIERJA MË E MIRË – VAN VENEDAL
Portierja e Atletikos së Madridit, iu dha çmimi nga Samuel Eto, teksa u zgjodh gardiania më e mirë e sezonit që lamë pas. Nominime të tjera për këtë çmim ishin edhe Endler dhe Lindahl.
ÇMIMI TIFOZI MË I MIRË – SILVIA GREKO
Mamaja braziliane, Silvia Greko, u bë e njohur për të gjithë për faktin që djalit të saj të verbër, tifoz të Palmeirasit, I tregon golat dhe rastet djalit të saj, teksa gjendet të dy në shkallët e stadiumit çdo ndeshje për të përkrahur ekipin e zemrës.
ÇMIMI TRAJNERI MË I MIRË – JYRGEN KLOP
Ashtu siç pritej, trajneri më I mirë është shpallur Jyrgen Klop, që sezonin e kaluar u shpall kampion Europe me Liverpulin e tij. Tekniku gjerman në fjalën e rastit, tregoi se ky është një nder I vërtetë për të.
ÇMIMI PUSKAS – DANIEL ZSORI
Goli më I bukur për sezonin që lamë pas, u shpall ai i Daniel Zsori, lojtari I Debrecenit, që ishte nominuar për golin e tij ndaj Ferencvarosh në 16 shkurt 2019.
