Një lajm i bujshëm është duke qarkulluar në mediat zvicerane. Bëhet fjalë për sulmuesin Armando Sadiku. Sipas “Corriere del Ticino”, bomberi nga Elbasani mund të rikthehet te skuadra e Luganos në muajin janar.
Aktualisht Sadiku është pjesë e Levantes në La Liga, teksa vuajti një dëmtim, që e mbajti atë për një kohë të gjatë larg fushave të lojës. 27-vjeçari është në fazën e fundit të rikuperimit, dhe rikthimi te Lugano do të ishte një opsion i mirë për të kapur formën e dikurshme, duke qenë se konkurenca te Levante është shumë e egër, ndaj edhe do ishte vështirë që të fitonte minuta pas dëmtimit.
Media zvicerane raporton se shqiptari mund të transferohet në formë huazimi te ish-skuadra e tij, për t’iu bashkuar sërish në qershor spanjollëve të Levantes.
