Trajneri i përfaqësueses shqiptare, Edi Reja, në konferencën e sotme për shtyp ka përsëritur idenë e tij se kuqezinjtë mund të bënin një paraqitje të mirë përballë Turqisë. Reja ka theksuar se mungesat nuk do të ndikonin në lojën e ekipit pasi kishte në dispozicion lojtarë të cilët mund të bënin shumë mirë në rolet e tyre.
Grupi kuqezi përballë Turqisë – Grupi funksionon, është një grup që po përmirësohet dhe ne mbajmë në konsideratë të lartë vlerat e Turqisë që ka lojtarë të rëndësishëm si Jillmaz e Çalhanollu, apo Tosun, që shohin portën. Por sulmuesit janë më të rrezikshmit gjithmonë. Ne, për të bërë një ndeshje të madhe duhet të jemi në formë të mirë, në 100%, përndryshe do të dalim me një humbje. Detyra jonë do të jetë të vijmë këtu, të jemi të përqendruar në maksimum se vetëm kështu mund të bëjmë një ndeshje të mirë. Objektivi ynë është të bëjmë një paraqitje të mirë ndaj Turqisë, për të parë nëse mund të bëjmë më mirë.
Mungesat dhe gjendja e lojtarëve – Hysajn e dimë mirë rëndësinë që kishte, por kush do të luajë, do të bëjë mirë. Ky është një test i rëndësishëm për ne sepse përmes kësaj ndeshje mund të bëjmë vlerësime, nëse po përmirësohemi në aspektin individual dhe kolektiv. Do të na japë përgjigje, uroj pozitive që ka ndodhur rritja, duhet të marrim në konsideratë se kemi ndryshuar gjëra, kanë ardhur lojtarë të rinj edhe muajt e kaluar. Pres përmirësime të tjera dhe nëse do të jenë, do të thotë që kemi marrë rrugën e duhur.
Krahasimi i ndeshjes me atë në Shkodër – Nuk kam parë vetëm atë ndeshje, kam parë Turqinë edhe në ndeshje të tjera, kur ka luajtur në shtëpi si me Francën që e ka mundur, që nuk është lehtë, ka bërë mirë edhe në Shkodër duke fituar 2-0. Qartësisht që kjo është një ndeshje që duhet përballuar me vendosmëri, duhet të jemi të aftë taktikisht, janë të fortë fizikisht e teknikisht, kanë bërë gol me goditje standarde e janë të rrezikshëm, por këto janë vëmendjet nesër në darke dhe nëse do të jemi të vëmendshëm do të jetë më e lehtë të bëjmë një paraqitje të mirë, bëjmë edhe rezultat. Ajo që më intereson në mënyrë të veçantë është që të shoh përmirësimet në krahasim me ndeshjen e fundit, pres një paraqitje të mirë gjatë 90 minutave, se nuk duhet të ulim asnjëherë vëmendjen, se bëhet e rrezikshme se janë të aftë.
Debutues nga minuta e parë – Debutues jo, por në pankinë janë 2 lojtarë që mund të bëjnë pjesë në ndeshje, por jo fillimisht, ndoshta më vonë.
