Përparim Kovaçi: Kategoria e Parë, me 12 skuadra rritet cilësia, Tomorri do jetë pretendent

46

SPECIALISTI / Kategoria e Parë dhe beratasit, në këndvështrimin e Mjeshtrit të Madh, Përparim Kovaçi

Sigal

Agron Kaja

“Në Kategorinë e Parë luajnë skuadra që kanë fituar tituj e trofe në elitën e futbollit tonë, prandaj dhe unë e mendoj se ky kampionati do të jetë i fortë për nga rivaliteti.”

Kampionati i Kategorisë së Parë do të nisë më 2 shtator, ndërkohë që skuadrat i kanë nisur përgatitjet verore dhe pas dy javëve do të starojnë me sezonin 2023-2024. Mjeshtri i Madh, idhulli i futbollit beratas Përparim Kovaçi, në këndvështrimin e tij për gazetën “Telegraf” tregon se ky do të jetë një kampionat i fortë, për disa arsye. “Në Kategorinë e Parë luajnë skuadra që kanë fituar tituj e trofe në elitën e futbollit tonë, prandaj dhe unë e mendoj se kampionati do të jetë i fortë për nga rivaliteti. Duke qenë vetëm 12 skuadra në përbërje, mendoj se FSHF-ja e ka orientuar më shumë drejt rritjes së cilësisë për këtë kategori, në të cilën bën pjesë edhe skuadra e Tomorrit. Edhe këtu në Berat përgatitjet kanë qenë shumë serioze, ku shoh një angazhim e mbështetje të madhe nga Bashkia e Beratit për ekipin. Trajneri Klodian Arbri me stafin e tij kanë rreth dy muaj që po punojnë për një ekip dinjitoz. Ka patur edhe lëvizje lojtarësh, por bërthama e sezonit të kaluar është dhe me afrimet e reja mendoj se do të kemi një ekip pretendent që të synojë Superioren”, kështu e nisi dje bisedën e tij Mjeshtri i Madh i futbollit shqiptar Përparim (Rimi) Kovaçi, i cili skemën e re me 12 skuadra e shikon gjithmonë në shërbim të cilësisë e rivalitetit. “Unë e përmenda më sipër se, skema me 12 skuadra në Kategorinë e Parë do të jetë shumë më produktive, krahasuar me sezonin e kaluar. Por këtu duhet që ekipet të kenë më shumë vullnet e dëshirë për ti dhënë bukurinë e duhur futbollit të tyre, dhe gjithë këtij niveli të futbollit tonë”. Për Kovaçin, një rëndësi të dorës së parë do të ketë edhe ana ekonomike e skuadrave, pasi sipas tij, ajo i motivon më shumë lojtarët për të dhënë më të mirën e tyre në fushën e lojës. “Ana ekonomike e mirë mbetet baza e ecurisë për çdo individ në fushën e lojës, për ekipet dhe kampionatin në tërësinë e tij. Aktualisht jemi në një situatë ku ekonomia jep zhvillimin, e këtij futbolli shqiptar është i “mbërthyer” rreth këtij momenti delikat. Ndërkohë, unë do të përfitoja nga ky rast për të dhënë edhe një mesazh për futbollin beratas. Më 25 nëntor, Tomori do të festojë 100 vjetorin e krijimit të tij dhe ky është një moment ku të gjithë beratasit ta kthejnë në festë dhe në përkrahje të skuadrës. Historia flet kur atë e kujton me zë dhe me figurë, e Bashkia e Beratit ka kohë që ka nisur punën për ta festuar me dinjitet këtë shekull me futboll në qytetin tonë”, kështu e mbylli bisedën Mjeshtri i Madh i futbollit shqiptar, Përparim Kovaçi.

KONFERENCË LIGË/ TURI PLAY-OFF

Partizani sot në Kazakistan, nisin ethet e Play-off-it

Faza Play-off

Ndeshjet e para

Datë 24 gusht 2023

Astana-Partizani          16:00

Struga-Breidablik        17:00

Ballkani-BATE           20:30

Kthimi, 31 gusht 2023

Largësia e madhe nga Shqipëria në Kazakistan prej 4.026 km, dhe kërkesa për t’u përshtatur më mirë me klimën dhe ambientin në stadiumin me bar sintetik, i kanë detyruar drejtuesit e Partizanit që të merrnin vendim për t’u nisur sot drejt Kazakistanit. Duke qenë se hapësira ajrore me Rusinë është e mbyllur, kalimi do të kryhet nga Turqia, një distancë e gjatë që shkon në 7 orë udhëtim. Ethet e Play-off-it kanë nisur për Partizanin, dhe këtë përballje të parë me Astana. Kompanitë e basteve e kanë kuotuar me koefiçientin 1.44 në favor të skuadrës kazake, ndërsa fitorja e Partizanit është kuotuar me 3.10.

KATEGORIA E PARË

SEZONI 2023-2024

Fillon më 02.09.2023

Luhet me tre faza

Mbaron në 08.05.2024

 

PJESËMARRËSIT

Skuadrat                    Qyteti

1.AF Elbasani  Elbasan

2.Apolonia                  Fier

3.Besa             Kavajë

4.Burreli                      Burrel

5.Bylis             Ballsh

6.Flamurtari                 Vlorë

7.Kastrioti                   Krujë

8.Korabi                      Peshkopi

9.Lushnja                    Lushnje

10.Luzi 2008   Luz

11.Tomori                    Berat

12.Vora                       Vorë

Dinamo përuron shtëpinë e re në Arbanë, kompleks modern

Kompleksi i Arbanës dje hapi për herë të parë dyert e shtëpisë së re, me selinë e klubit dhe një kompleks stërvitor. Nga drejtuesit e këtij klubi kjo është një gur i fortë themeli në projektimin e Dinamos së ardhshme, që pritet të kthehet fuqishëm në majat e futbollit shqiptar. Fillimisht do ta nisin moshat përgatitjen e tyre në fushën me bar sintetik, ndërsa këtë mesjavë është menduar që të fillojë përgatitjet edhe skuadra e parë e Dinamos, pasi janë duke u kryer disa punime të fundit.