Partizani shkëlqen në “Air Albania”, spektakël dhe tripletë ndaj Bylisit

65
Sigal

Partizani shkëlqen në “Air Albania”, duke mposhtur Bylisin me rezultatin 3-0, në një sfidë të dominuar totalisht nga të kuqtë. Goli i avantazhit erdhi në sekondën e 15-të të ndeshjes, duke ia bërë mjaft të lehtë këtë fitore skuadrës së drejtuar nga Ilir Daja.

Pjesa e parë u mbyll me epërsinë e një goli, teksa në fragmentin e dytë të lojës “Demat e Kuq” realizuan edhe 2 herë të tjera me anë të Jasir Asanit dhe Çinarit, që ishin në superformë. Edhe ballshiotët e Dovedan patën disa shanse, kryesisht në pjesën e parë, por nuk u treguan të saktë para portës.

Më këtë triumf, Partizani u ngjit në vendin e dytë me 47 pikë, po aq sa Vllaznia e vendit të tretë. Skuadra kryeqytetase tashmë ka 2 pikë më pak se kryesuesit e Teutës.