Nejmar është i kënaqur te PSG-ja dhe duket se do të qëndrojë në Paris edhe për disa vite të tjera. “RMC Sport” raporton së fundmi se ylli brazilian ka pranuar të rinovojë kontratën me kampionët e Francës edhe për 4 vite të tjera.
Ende nuk ka një vendim zyrtar nga nënkampionët e Europës, pasi e ardhmja e 28-vjeçarit ka qenë prej vitesh objekt spekulimesh. Sulmuesi është përfolur disa herë se mund të rikthehet te Barcelona, por duke parë kushtet e vështira financiare në të cilat ndodhet klubi katalanas, ndoshta Nejmar mund të pranojë më mirë qëndrimin te PSG-ja, ku është lideri i padiskutueshëm.
