SUPERIORE/ Specialisti i futbollit Muharrem Dosti analizon kampionatin në 30 javë, Elbasani jashtë rrezikut.
Agron KAJA
Cili është këndvështrimi juaj teknik për ecurinë e garës në Superiore për 30 javët e luajtura?
Për mua kampionati filloi mirë me kualitet dhe cilësi. Mendoj se nga fundi i fazës së tretë, çdo gjë e ka marrë rrugën, ku katërshja e parë është ndarë dhe pjesa tjetër për mbijetesë ka shumë ekipe të rrezikuara.
Deri në mbylljen e fazës së katërt, ku mendoni se mund të ketë ndonjë surprizë në renditjen e skuadrave?
Mendoj se katër vëndet e para, dy ekipet Egnatia dhe Dinamo do jenë në krye të renditjes. Ndoshta edhe Vllaznia, ndërsa Partizani nuk ka sy për kampion para këtyre tre ekipeve. Në fundin e tabelës do ketë lëvizje, skuadrat janë afër me pikë.
Superiorja është në pushim zyrtar 10 ditor, si po e shfrytëzojnë trajnerët me skuadrat e tyre?
Gjithsecila skuadër duhet të andrrojë gabimet që ka bërë gjatë këtyre javëve. Ndoshta në aspektin fizik, ose më shumë për t’u shërbyer lojtarëve të dëmtuar për rikuperim. Ndërsa për skuadrat e tjera, nuk mendoj se e humbet ritmin e tyre.
Në javën e 30-të u shënuan rezultate interesante, 4 barazime dhe 1 fitore, çfarë tregues është ky?
Kjo ndodh, sepse në këtë fazë ku ndodhet kampionati, gara sa vjen dhe shtrëngohet. Në këtë periudhë, të gjitha skuadrat duan më shumë nuk duan ytë gabojnë që të rrezikojnë. Në këto moment, çdo skuadre do ti shërbente edhe 1 pikë në ndeshje.
Dhe fakti që u shënuan vetëm 7 gola në këtë javë të 30-të, e shpreh këtë dukuri?
Unë them se po, dhe të mos mendojmë se deri në fundin e kampionatit do kemi gola të shumtë. Kjo edhe për faktin tjetër se nuk ka më kohë rikuperime. Ekipet po përplasen me njëri-tjetrin me synimin e një rezultati, se sa bollëku i golave.
Java e 31-të nis në mesjavën e ardhshme, 26 mars, referuar kalendarit, duket si një kalendar “Para-Final 4”?
Realisht, katër skuadrat e para duhet të ndajnë këtë javë, se cilat do të jenë dy të parat dhe dy të tjerat që formojnë “Final 4”. Të parat vetëm barazimin duan, ndërsa fundi i tabelës do jetë i ashpër, sepse po përplasen rivalët në renditjen e mbijetesës.
Cilën nga këto pesë sfida e veçoni si kryendeshjen e javës së 31-të?
Për mua të gjitha janë si kryendeshje, kjo nisur nga renditja që kanë skuadrat në tabelë. Edhe Laçi-Elbasani, apo Tirana-Bylis janë si kryendeshje shumë të forta, sepse aty do ketë më shumë ndikim rezultati për renditjen. Po kështu edhe Teuta-Skënderbeu.
“Derbi” Dinamo City-Partizani është i katërti në këtë sezon, mendoni se do ndikojë realiteti mes tyre, apo historia?
Më shumë mendoj se në këtë përballje do të ndikojë realiteti, se sa historia. Por nuk i dihet, sepse më shumë të tilla sfida orientohen tek barazimi, dhe çudi nuk do jetë. Gjithsesi, le të presim një “derbi” me një lojë të bukur.
Dhe pas ndeshjeve të kësaj jave të 31-të, ku mendoni se do ketë lëvizje në tabelën e renditjes?
E shpreha më sipër, dhe i qëndroj mendimit tim. Lëvizje mund të ketë në gjithë shtrirjen e tabelës së renditjes. Më të dukshme do të jenë te skuadrat që kërkojnë mbijetesën. Ndërsa Elbasanin e shikoj larg kësaj zone të rrezikshme.
DERBI” 177-të DINAMO – PARTIZANI
HISTORI
Ndeshja e parë
Viti 1950
Partizani-Dinamo 2-2
Ndeshja e fundit
25 janar 2025
Partizani-Dinamo 1-1
BILANC
Janë luajtur 176
Fitore Dinamo 48
Barazime 55
Fitore Partizani 73
Golat 190:239
Ndeshja e rradhës 177
Dritëhije mbijetese në javën e 31-të
Kjo javë mund të thotë shumë për pesë skuadrat që ndodhen në zonën e mbijetesës në tabelën e renditjes. Sepse edhe vetë kalendari e ka bërë të tillë situatën e kësaj jave, ku ka vënë përballë gjashtë skuadrat që renditen nga vëndi i 5-të në vëndin e 10-të. AF Elbasani dhe më pak Laçi, duken paksa të shkëputur nga Tirana, Bylisi, Teuta e Skënderbeu. Përballja mes tyre në mesjavën e ardhshme do flasë më shumë, por këtë javë mund të themi se do kemi dy “derbi” mbijetese: Tirana-Bylis dhe Teuta-Skënderbeu. Kësisoj, java e 31-të ka shumë dritëhije mbijetese.
ABISSNET SUPERIORE
Ndeshjet-Java 31
E mërkurë, 26 mars 2025
Tirana-Bylis 19:00
(Stadiumi i pacaktuar)
E enjte, 27 mars 2025
Laçi-Elbasani 14:00
Dinamo-Partizani 17:00
(Në “Elbasan Arena”)
Teuta-Skënderbeu 17:00
Egnatia-Vllaznia 20:00
RENDITJA
Skuadrat Nd Pikë
1.Egnatia 30 54
2.Dinamo City 30 51
3.Vllaznia 30 50
4.Partizani 30 44
5.AF Elbasani 30 37
6.Laçi 30 33
7.Bylis 30 32
8.Tirana 30 31
9.Skënderbeu 30 30
10.Teuta 30 30
KATEGORIA E PARË
Ndeshjet-Java 29
E mërkurë, 26 mars 2025
Besa-Burreli 15:00
Erzeni-Korabi 15:00
Flamurtari-Pogradeci15:00
Valbona-Kastrioti 15:00
Kukësi-Apolonia 15:00
Vora-Lushnja 15:00
RENDITJA
Skuadrat Nd Pikë
1.Vora 28 70
2.Flamurtari 28 68
3.Besa 28 61
4.Burreli 28 50
5.Lushnja 28 37
6.Pogradeci 28 37
7.Apolonia 28 34
8.Kastrioti 28 31
9.Korabi 28 29
10.Kukësi 28 28
11.Valbona 28 13
12.Erzeni 28 11
KATEGORIA E PARË
Bankinat nuk janë të qeta, Pajaziti largimi i 15-të
Pushimet pa ndeshje zyrtare nuk kanë shkuar mirë për bankinën e Apolonisë, pasi këtë fillimjavë ka larguar trajnerin; i dyti te kjo skuadër brënda këtij sezoni. Kjo lojë ka nisur që në fazën e parë dhe deri tani kur luhet java e 29-të, vetëm tre skuadra u kanë besuar teknikëve që nga nisja e sezonit; Flamurtari me Agostinelin, Vora me Bellain dhe Burreli me Bicajn. Janë këto tre skuadra që kryesojnë kampionatin, ku Vora me Flamurtarin ndajnë vëndet 1 dhe 2, ndërsa Burreli në vëndin e 4-t, në zonën Play-off për ngjitjen në Superiore. Ky konstatim ka domethënie, sepse aty ku bankinat janë “shkundur” brënda sezonit, skuadrat janë luhatur në rezultate dhe në tabelën e renditjes. Të fundit janë Erzeni me Apoloninë. Te shijakasit u largua Ergys Luga, ndërsa te fierakët Sedat Pajaziti, të dy për rezultate të dobëta. Edhe gjatë këtij pushimi pa ndeshje zyrtare, bankinat nuk qëndruan të qeta, dhe te Apolonia pritet që të drejtojë dyshja Rudin Nako&Nuredin Orelesi. Kështu, në 9 skuadra kanë drejtuar 21 trajnerë.
