Kështu ka ndodhur në javën e fundit të kampionatit të 82-të kombëtar të futbollit. Një konkluzion ky që arrihet fare lehtë, kur vendos përpara rezultatet e javës 9-të për Kategorinë Superiore, të cilat duan të thonë se vetëm 5 gola të shënuar në 5 ndeshjet e zhvilluara, të cilat kanë “prodhuar” 13 pikë për 10 skuadrat pjesmarrëse. Kjo është java më e varfër deri tani për këtë kampionat për nga golat e shënuar. Por nuk është hera e parë dhe as e fundit që ndodh kështu në historinë e futbollit shqiptar, kur dihet mirë se për nga formatimi, skudrat pjesëmarrëse dhe gjeografia tij, ky kampionat që kemi gati 20 vjet që e kemi emëruar Kategoria Superiore, është një “novacion”që askush nga vendet fqinjë nuk e ka në zbatim. Tashmë jemi mësuar dhe me të papriturat që na jep ky lloj futbolli që jemi duke zbatuar, ndaj nuk është e tepërt të themi, se: “askush të mos habitet me ato prodhon këtë lloj futbolli që ushtrojmë.” Gjithsesi, rezultatet së bashku me klasifikimin provizor që na jep të drejtën të shprehemi kështu, tani që futbolli shqiptar, kur ka përshkuar vetëm një të katërtën pjesë të “udhëtimit” tij për këtë sezon.
JAVA E 9-TË KATEGORIA SUPERIORE
‘Laçi’ 1-0 ‘Vllaznia’
( Xhixha 88`)
‘Partizani’ 0-0 ‘Bylis’
‘Skënderbeu’ 1-1 ‘Tirana’
(Mara 42`/ Batha 71`)
‘Kastrioti’ 1-0 ‘Kukësi’
( Bardhi 17` )
‘Apollonia’ 0-1 ‘Teuta’
(L. Vila 28`)
KLASIFIKIMI KATEGORIA SUPERIORE
1.’Vllaznia’ 19 pikë
2.’Kukësi’ 16 pikë
- ‘Partizani’ 13 pikë
- ‘Tirana’ 13 pikë
- ‘Teuta’ 13 pikë
- ‘Kastrioti’ 13 pikë
- ‘Laçi’ 11 pikë
- ‘Bylis’ 8 pikë
- ‘Skënderbeu’ 6 pikë
- ‘Apollonia’ 5 pikë
Dhe një koment i përgjithshëm për këtë javë kampionati do ishte ky: Në mbrëmjen e ditës shtunë, sfida ‘Partizani’-‘Bylis’ 0-0, mbylli fazën e parë të Kategorisë Superiore për sezonin 2020-2021. Pas 9 javëve, ‘Vllaznia’ qëndron në krye të renditjes me 19 pikë. Edhe pse shkodranët sot u mposhtën nga ‘Laçi’ 1-0, kuqeblutë përsëri ruajtën vendin e parë në tabelë pasi dhe ‘Kukësi’ u mposht nga ‘Kastrioti’ me rezultatin 1-0. Verilindorët nuk mund të ruanin ecurinë e fitoreve ndaj krutanëve duke u mposhtur në fushën e Kamzës nga krutanët. Me humbjen e sotme, skuadra e Skënder Gegës qëndron në vendin e dytë me 16 pikë. Pas nënkampionëve të Shqipërisë vijnë në bllok 4 skuadra me pikë të barabarta (13). Edhe pse ‘Partizani’ zhgënjen në 4 ndeshje radhazi, skuadra e Ilir Dajës e mbylli fazën e parë të këtij sezoni me 13 pikë. Të kuqtë barazuan 0-0 me ‘Bylisin’, por ajo që shqetëson është fakti se “demat” nuk shënojnë dhe s’fitojnë në 4 ndeshje radhazi. Kampionët në fuqi, ‘Tirana’ kanë grumbulluar po kaq pikë sa rivalët e përjetshëm të tyre. Skuadra e Nevil Dedes u ndal nga ‘Skënderbeu’ në Korçë 1-1. Bardheblutë i presin të mërkurën një sfidë shumë e vështirë me ‘Kukësin’ e vendit të dytë dhe fitorja ndaj verilindorëve do të rriste akoma besimin te skuadra për të mbrojtur titullin. Me 13 pikë vjen në vendin e pestë ‘Teuta’, e cila mundi sot ‘Apoloninë’ në Fier 0-1. Pas 6 barazimeve radhazi, durrsakët besojnë se mund të kenë thyer “mallkimin” e kësaj pjese të parë të sezonit. Mbresa pozitive le ‘Kastrioti’. Krutanët, të cilët u rikthyen këtë sezon në Superiore, mposhtën pretendentët për kampion, ‘Kukësin’ dhe me 13 pikë në vendin e gjashtë, ekipi i Ramazan Ndreut është brenda objektivave. ‘Laçi’ pozicionohet i shtati me 11 pikë, por fitorja ndaj ‘Vllaznisë’ mund të jetë nisja e një serie pozitive te kurbinasit. ‘Bylisi’ qëndron në vendin e “play-out” me 8 pikë. Megjithatë, barazimi me ‘Partizanin’ 0-0 vlen për të treguar se ballshiotët mund të arrijnë akoma më shumë në këtë sezon. ‘Apolonia’ mbyll renditjen me 5 pikë. Fierakët kanë kaluar një fazë të parë kaotike duke ndërruar 3 trajnerë vetëm në fazën e parë të këtij sezoni. Dhe duke i vendosur ndeshjet në “tastierën “ e një komenti në të detajuar rezulton se ‘Laçi’ që nga 24 mars 2014, nuk njeh humbje në fushën e tij ndaj ‘Vllaznisë’ . Kjo skuadër ka mposhtur kryesuesit shkodranë edhe kësaj rradhe me rezultatin 1-0 falë golit të Redon Xhixhës në minutën e 88-të. Një fitore tepër e rëndësishme për të besuarit e Shpëtim Duros, në një sfidë tepër të luftuar që prodhoi raste nga të dyja krahut. Me këtë triumf, kurbinasit u ngjitën në kuotën e 11 pikëve, ndërkohë ‘Vllaznia’ mbetet në vendin e parë me 19 pikë. Gjithsesi një “leksion” i mirë ky për kryesuesit kuqeblu, për të kuptuar më mirë se mbajtja e vendit parë kërkon të fitohet edhe në fushën e kundërshtarëve të tillë si ‘Laçi’. ‘Partizani’ 0-0 ‘Bylis’ Trajneri Daja për arsye shëndesore nuk ishte në drejtim për këtë ndeshje, duke ia besuar gjithçka ndihmësave të tij. Dhe rezulati barabartë 0-0 do të thotë se ‘Partizani’ ka plotë katër vjet që nuk fiton ndaj ‘Bylisit’, ashtu siç ka katër ndeshje radhazi pa gjetur rrugën e rrjetës! ‘Partizani’ duket se ka humbur shenjestrën. Skuadra kryeqytetase nuk shkoi më shumë se barazimi 0-0 në “Elbasan Arena” ndaj ‘Bylisit’. Një pikë kjo që kënaq ballshiotët. Ky ishte barazimi i katërt në këto 9 javë të fazës së parë për “Demat e Kuq”, që ka arritur të grumbullojë 13 pikë duke u renditur në vendin e 3-të, me pikë të barabarta me ‘Kastriotin’, ‘Tiranën’ dhe ‘Teutën’. Ndërkohë ‘Bylisi’ i Dovedan, shkon në kuotën e 8 pikëve, teksa mban vendin e 8-të dhe shpreson shumë se tani ka ardhur momenti pë të bërë kthesën e duhur. ‘Skënderbeu’ 1-1 ‘Tirana’! Një ndeshje e bukur që nuk nxorri fitues edhe pse ishin korçarët ata që shënuan të parët, me anë të Uendi Marës, i cili pas një kombinimi perfekt me Mensah, ia del ta dërgojë topin në rrjetë në minutën e 42’. Pjesa e dytë nisi me ‘Tiranën’ më kërkuese, por në minutën e 67’ bardheblutë mbetën me 10 lojtarë pasi Ismajgeci u ndëshkua me karton të kuq, pas një momenti nervozizmi me Qaqin. Kur mendohej se për ‘Tiranën’ gjërat u vështirësuan, ky karton i kuq i zgjoi bardheblutë, të cilët vetëm 3 minuta më vonë gjetën golin e barazimit me Idriz Bathën, i cili shënoi pas një aksioni të krijuar nga ai vetë. Pas kësaj kampionat kishin edhe raste të tjera, por nuk ia dolën të shënonin golin e përmbysjes. ‘Kastrioti’ i drejtuar nga një trajner që e njeh aq mirë futbollin shqiptar, ka ndalur me fitoren 1-0 ‘Kukësin’ e trajneri Skënder Gega. Ka mjaftuar ai gol i shënuar nga Bardhi në minutën e 17`, që krutanët të harrojnë dy ndeshjet e fundit zhgënjyese, kurse ‘Kukësi’ të ndalë ecurinë e tij pozitive në këto javët e fundit, duke mos e shfrytëzuar mundësinë për të kapur në krye të klasifikimit ‘Vllazninë’. ‘Apollonia’ 0-1 ‘Teuta’! Ka mjaftuar goli shënuar nga Lorenc Vila në minutën e 28`, ju ka dhënë tre pikë më shumë vlerë durrsakëve jashtë fushës tyre, duke thyer dhe serinë e gjatë të shtatë barazimeve. Ndërkohë në anën tjetër, skuadra e “Apollonisë” që po jeton krizën që i ka sjellë “valsi” pankinës, kur në 9 ndeshje ka ndryshuar tre trjajnerë, ende nuk e ka kuptuar se qëndrimi në Superiore është një detyrë e vështirë, që duhet vlerësur dhe besuar më shumë tek ata që e realizuan këtë rikthim pas pesë viteve, se sa tek njerëz kalimtarë, që shumë herë e kanë përdorur futbollin shqiptar si një mundësi për të pasurur biografinë e tyre të varfër sportive. Gjithsesi, kemi lënë pas vetëm këtë fazë të këtij kampionati, sepse e dyta nis të mërkurën më 23 dhjetor 2020, kur do kemi këto ndeshje:
‘Kukësi’ -‘Tirana’
‘Skënderbeu’ -‘Teuta’
‘Apollonia’ – ‘Vllaznia’
‘Laçi’ -‘Bylis’
‘Partizani’ -‘Kastrioti’
Çuditë e futbollit të Kategorisë së Parë
Një shpikje më vete, që vetëm në Shqipëri mund të ndodhë kështu, është zhvilimi kampionatit të Kategorisë Parë. Dhe këto çudi që nuk lenë njeri pa habitur kanë të bëjnë me formatin e zhvillimit të këtij niveli të futbollit shqiptar. Perveç faktit që në grupin A, për çdo javë qëndron pushim një skuadër, që ndryshe sjell shpërpjestime në numrin e ndeshjeve në klasifikim, në grupin B, habitë nuk kanë të mbaruar. Kështu, çdo javë, dy skuadra ju duhet të qëndrojnë pushim, për shkak se tërheqja nga gara në momentet e fundit e “Luftëtarit”, ka bërë që numri skuadrave në këtë grup të zvogëlohet me tetë ekipe. Dhe formula e zhvillimit të ndeshjeve në këtë grup është e tillë, ku çdo javë dy skuadra qëndrojnë pushim. Një fakt i tillë ka bërë që në renditjen e këtij grupi, skudrat të mos kenë asnjëherë numër të barabartë të ndeshjeve të zhvilluara. Dhe ky fakt bën që një skuadër, që një javë, edhe pse mund të jetë në klasifikim më poshtë se të tjerët, me një fitore që mund të marrë në javën e rradhës, të dalë në krye të klasifikimit, duke shfrytëzuar faktin që rivalët janë pushim. Paradoks ky në këtë grup ku renditja nuk tregon asnjëherë realitetin dhe vlerat e skuadrave. Për më tepër që ky lloj formati zhvillimi e zgjat pa kuptim garën e një sezoni, me lloj –lloj shpikjesh të ndeshjeve “play –off” dhe “play –oaut” të cilat jo vetëm që nuk e nxisin garën, por e dëmtojnë më shumë atë. Ndoshta ka ardhur koha t’i jepet fund këtyre eksperimenteve që janë çuditë që prodhon futbolli shqiptar, që kur shikon renditjen as kush nuk është në gjendje të thotë se cila javë e kampionatit është duke u zhvilluar në të dy grupet. Gjithsesi, le t’ju njohim me rezultatet e kësaj jave dhe klasifikimin e grupeve përkatëse:
GRUPI A
‘Besëlidhja’ 0-0 ‘Oriku’
‘Korabi’ 1-0 ‘Erzeni’
(Ismailaj 63` )
‘Burreli’ 0-0 ‘Dinamo’
‘Partizani B’ 1-1 ‘Veleçiku’
(Peqini 47`/ Shekj 86`)
‘Vora’ -pushim
KLASIFIKIMI GRUPI A
- ‘Dinamo’ 17 pikë
- ‘Korabi’ 16 pikë
- ‘Burreli’ 15 pikë
- ‘Besëlidhja’ 11 pikë
- ‘Partizani B’. 8 pikë
- ‘Oriku’ 7 pikë
- ‘Erzeni’ 5 pikë
- ‘Veleçiku’ 5 pikë
- ‘Vora’ 4 pikë
GRUPI B
‘Tomorri’ 1-0 ‘Besa’
(Canka 36`)
‘Lushnja’ 2-2 ‘Turbina’
(Etudaiye 42`, Hysi 62`/ Spahiu 9`, 93`)
‘Pogradeci’ 2-1 ‘Flamurtari’
(Lako 84`, Lickolari 93`/ Diamnti 35`)
‘Egantia’ dhe ‘Elbasani’ -pushim .
KLASIFIKIMI GRUPI B
1.’Egnatia’ 12 pikë
- ‘Pogradeci’ 12 pikë
- ‘Lushnja’ 12 pikë
- ‘Tomorri’ 11 pikë
- ‘Besa’ 10 pikë
- ‘Turbina’ 7 pikë
- ‘Flamurtari’ 7 pikë
- ‘Elbasani’ 0 pikë
- ‘Luftëtari’ 0 pikë
