/Gazeta TELEGRAF
Gjatë mesjavës ndeshjet gjysëm finale na njohën me dy skuadrat e finale të Kupës të 30 Majit 2021. Vllaznia-Skënderbeu, kjo është finalja e madhe. Është e 14 herë në historinë e Kupës që jashtë finales janë 3 skuadrat e njohura të kryqytetit: “Tirana” “Paartizani “ dhe “Dinamo “. Për më tepër akoma, këto tre skuadra që kanë fituar plot 44 herë Kupën nuk ishin pjesë as në grupin si gjysëm finalist, sepse Vllaznia , Laçi, Tetuta dhe Skënderbeu , që siç duket në këtë sezon kanë marrë mirë në dorë frenat e futbollit shqiptar e kishin vendosur që dy skuadrat finaliste të Kupës të dilnin nga ballafaqimet midis tyre. Dhe, që këtë herë krejt ndryshe finalistët u përcaktuan vetëm me një ndeshje ballafaquese. Skuadra e Migen Memellit, “ Skënderbeu”, konfirmoi momentin pozitiv, që po kalon duke bërë surprizën e madhe në fazën gjysmëfinale të Kupës teksa arriti të eliminonte kryesuesit e kampionatit “Teutën”. Skënderbeu fitoi 2-0 brenda në “Niko Dovana” me golat e Jorgo Meksit me penallti pas vetëm 2 minutash dhe Elvi Berishës pak para fundit të pjesës së parë, me këtë të fundit, që pasi shënoi bëri gafën e madhe duke hequr fanellën dhe la të tijtë me një lojtar më pak në fushë për më shumë se 45 minuta. Megjithatë korçarët e menaxhuan mirë epërsinë në fraksionin e dytë duke kapur finalen e Kupës për herë të dytë në 4 vite. Ndërkohë Vllaznia iu fal një goli të Ardit Hoxhajt në Shkodër për të mposhtur 1-0 Laçin në “Loro Boriçi” dhe për t’u rikthyer në finale të këtij kompeticioni pas plot 11 vitesh. Da Silva humbi një rast të artë me portën e boshatisur për t’i çuar shifrat në 2-0 që në pjesën e parë, por pavarësisht kësaj Laçi shfaqi pak nga repertori i tij më i mirë dhe pavarësisht se është një ekip ekspert në Kupë u eliminua nga shkodranët, pasi u mposht minimalisht, ndërkohë që ndeshja në Shkodër u mbyll mes tensionit, me Obanor që u ndëshkua edhe me karton të kuq. Pra , Vllaznia dhe Skënderbeu e kanë fituar të drejtën për të qënë ata dy skuadrat finaliste të finales të madhe të 30 Majit të Kupës të Shqipërisë .
Dhe Vllaznia vjen për herë të 15 si finalist i Kupës dhe 6 herë fituese e saj në vitet 1965, 1972 , 1979,1981,1987 dhe 2008. Jo pak i suksesshëm është dhe Skënderbeu , kur shënon 7 herë si finalist dhe 1 herë fitues i Kupës në vitin 2018. Faktet duan të thonë se deri tani të dyja këto skuadra kanë luajtur 20 finale të Kupës. Shkodranët që e kanë nisur gjithëçka që nga ajo ndeshje finale e vitit 1939 që zhvilluan me sistem grupi dhe ndeshje vajte –ardhje midis “Tiranës” , ”Vllaznisë” dhe “Besës “ kanë arshivuar kështu dhe pjesëmarrjen e tyre të 15 në sezonin 2020-2021. Korçarët që nga ajo finale e Kupës e vitit 1958 e humbur me rezultatin 4-0 me “Partizani” , kanë siguruar pjesëmarrjen e tyre për herë të 7 me këtë sezonin 2020-2021. Por finalja e Kupës e vitit 1965 i ka pasur të pranishme në ballfaqimin e saj “Vllaznin” dhe “Skënderbeu” në atë ndeshje të zhvilluar në 11 korrik 1965 në stadiumin “Qeml Stafa “ të kryeqytetit. Kanë fituar shkodranët e “Vllaznisë “ me rezultatin 1-0 , duke bërë kështu që trofeu i Kupës të udhëtojë drejt qytetit të Shkodrës. Kjo është dhe Kupa e parë e Shqipërisë që ka fituar “Vllaznia” , sepse 5 trofet e tjera të Kupës janë në kornizën e 36 viteve të periudhës 1972 -2008 . Këto janë “stoli” që i japin atë emër të merituar futbollit të “Vllaznisë “ që pasi kishte fituar dy herë rresht titullin kampion në vitet 1945 dhe 1946 do t’i sillte Shkodrës të futbollit dhe këtë trofe të merituar. Duke e vlerësuar sado pak të kryer këtë fakt të historisë të futbollit shqiptar , do na duhet të presim ndeshjen e finales së madhe të Kupës të 30 Majit 2021 , të Vllaznia –Skënderbeu për të mësuar fituesin numër 69 –të këtij trofeu të futbollit shqiptar.
Java e parë e fazës së katërt të Superiores
Partizani ka fituar me rezultatin 3-1 ndaj Kastriotit . Skuadra e Dajës e nisi shumë keq ndeshjen, teksa e shikon veten në disavantazh që në minutën e 4`, kur Daci përfiton nga një top i mbetur në zonë. Megjithatë nuk u dorëzuan dhe ia dolën të gjejnë barazimin në minutën e 31` me Hakajn, i cili shënoi një supergol. Pjesa dytë foli e gjitha për skuadrën e Partizanit që doli të përmbysë rezultatin. Fillimisht ishte Zhunior, i cili shënoi golin e dytë për Partizanin në minutën e 75, ndërsa 10 minuta më pas Asani vulosi gjithçka me golin e tretë. Me këtë fitore Partizani ngjitet në kuotën 50 pikëve , ndërsa Kastrioti mbetet në vendin e shtatë me 30 pikë. Është mbyllur në barazim 2-2 supersfida mes Kukësit dhe Tiranës . Një përballje spektakolare, mes dy skuadrave që dhuroi futboll cilësor . Eze hapi serinë e golave në minutën e 24 ,duke bërë që pjesa e parë të mbyllet 1-0 për Kukësin . Pjesa e dytë prodhoi plot 3 gola mjaft të bukur. Fillimisht ishte Seferi, që vendosi barazpeshën në minutën e 71, kurse Kale në të 84-të, përmbysi rezultatin me një gol plot klas. Kur u mendua se sfida do të përfundonte në favor të kryeqytetasve, ishte Ibraimi, që me një goditje dënimi të tipit manual , vendosi ekulibrat në rezultat në 2-2. Vllaznia ka fundosur Apolloninë, teksa e ka mposhtur me rezultatin 6-0 .
Kategoria Superiore – Java 28
PARTIZANI 3-1 KASTRIOTI
(Hakaj 31`,Junior 75`, Asani 85`/ Daci 4`)
KUKËSI 2-2 TIRANA
(Eze 24`, Ibrahimi 89`/ Seferi 71`, Cale 84`)
APOLLONIA 0-6 VLLAZNIA
( Da Silva 15′, 51′, Dilaver 24′, Hoxhaj 36′, 90′, Bradariç 82′)
SKËNDERBEU 0-1 TEUTA
(Bregu 43`)
LAÇI 2-1 BYLIS
(Deliu 54`, Pregaj 56`/ Ndreca 93` )
KLASIFIKIMI –KATEGORIA SUPERIORE
1 .Tetuta 28 52 pikë
2. Partizani 28 50 pikë
3.Vllaznia 28 50 pikë
4.Laçi 28 48 pike
5.,Tirana 28 43 pikë
6.Kukësi 28 36 pikë
7.Kastrioti 28 30 pikë
8. Bylis 28 26 pikë
9.Skënderbeu 28 23 pikë
10.Apollonia 28 17 pikë
Shkodranët e kanë pasur ndeshjen nën kontroll , duke dominuar në çdo drejtim. Pjesa e parë u mbyll 2-0 falë golave të Dilaverit dhe Da Silvës, me këtë të fundit që shënoi edhe në pjesën e dytë, duke kompletuar dopietën. Dopietë shënoi edhe Ardit Hoxhaj, teksa goli tjetër u shënua nga Tim Bradariç. Me këtë fitore Vllaznia barazon Partizanin në kuotën e 50 pikëve , , kurse Apollonia duket se e ka kthyer vështrimin tek Kategoria e Parë . Teuta “hakmerret” ndaj Skënderbeut pas eliminimit në gjysmëfinalen e Kupës së Shqipërisë. Teuta ka triumfuar në transfertë ndaj Skënderbeut me rezultatin 0-1, me golin e shënuar nga Dejvi Bregu në minutën e 43-të. Pavarësisht golit të pësuar, skuadra e Memellit, nuk u dorëzua, teksa provoi me të gjitha forcat të barazonte sfidën. Në minutën e 66-të Mara provoi me një gjuajtje mjaft të bukur nga goditja e dënimit, por topi u stampua në traversën e portës së mbrojtur nga Frashëri. Me këtë fitore , Teuta kryeson kampionatin me 52 pikë, kurse Skënderbeu mban vendin e 9-të me 23 pikë. Laçi rikthehet te fitorja në kampionat, teksa ka mposhtur me rezultatin 2-1 Bylisin në shtëpi. Skuadra e Duros u shfaq më kërkues që në fillim, duke krijuar disa raste për shënim, por golat do të vinin në pjesën e dytë. Fillimisht ishte Deliu në minutën e 52’, i cili me një gjuajtje të fortë nga jashtë zone, ka shënuar . Vetëm 3 minuta më vonë, ishte Prenga, i cili pas një topi të marrë në zonë, gjuajti me të majtën dhe e ndali topin në fundin e rrjetës. Ndreca ngushtoi diferencën në minutën e 93’, duke shndërruar në gol një penallti të fituar nga Spahiu, pro vetëm kaq. Laçi mbetet në vendin e katërt me 48 pikë, ndërsa Bylisi mban vendin e 8 me 26 pikë.