Moisi DALIPI
Kampionati, Kupa dhe Europa
Dhe një javë futboll i luajtur i ka mbetur kampionatit të 81-të kombëtar për Kategorinë Superiore. Edhe pse sipari zyrtarisht pritet të ulet ditën e mërkurë në mbrëmje, të dhjeta skuadrat pjesëmarrëse, thuajse janë vendosur në një korsi dhe po presin vetëm fotofinishin zyrtar për t’i dorëzuar “Tiranës” kampione, trofeun e fitimit të titullit kampion. Kësisoj, bardheblutë e kryeqytetit, pas ndeshjes të ditës mërkurë me “Bylisin”, do përjetojnë mbrëmjen më të bukur të këtij sezoni, duke u shpallur për të 25 -herë kampionë të Shqipërisë. Rezultati kësaj ndeshje për kampionët, ku nuk ka shumë rëndësi rezulati, por siç duket ato çka tregoi ndeshja e parë gjysëm finale për Kupë e luajtur ndaj “Bylisit”, e cila ende mban erën e keqe të trukimit, do t’i detyrojë kampionët kryqytetas të luajnë futboll. Ndoshta për të fituar dhe për të justfikuar diçka nga ato lëshime që bënë në atë ndeshje, që vazhdon të jetë në hetim nga Komisioni Etikës. Një gjë e tillë u kostatua dhe në ndeshjen e kthimit për Kupë, ku Tirana fitoi me rezultatin 2-0, duke përmbysur fitoren e ballshiotëve dhe ka siguruar daljen në finalen e Kupës. Të gjithë pas kësaj ndeshje e forcuan bindjen se “Tirana” kishte toleruar mjaft në atë ndeshje, edhe pse rrëfimet e drejtuesëve dhe futbollistëve të saj, përpara komisionit hetimor, ishin më shumë justifikime që vëshirë të mbeten pa një vendim ndëshkues . Gjithësesi, edhe kjo ndeshje kampionati , ku rezultati nuk ka shumë rëndësi për “Tiranën” kampione, do jetë nën vëzhgim për të parë reagimin e skuadrës kryeqytetase dhe lidhjen shkasore midis këtyre dy skuadrave për ndeshjet e kampionatit dhe Kupës. Dhe e thënë më qartë, ashtu si dy ndeshjet e Kupës, ato midis “Tiranës” dhe “Bylisit”, dhe pa dyshim edhe këtë, po i vëzhgon U.E.F.A. Kështu pra, “shtëpia” e futbollit europian nuk fal lehtë raste ku dyshimet janë të bazuara. Më mirë se kushdo, këtë gjë e ka mësuar “Skënderbeu”, që me ndëshkimin që ka marrë për të qëndruar jo pak, por 10 vjet jashtë Europës, përveç asaj gjobe të kripur për milonë euro, e ka limituar aq shumë durimin e pritjes, sa që çdo ditë pret diçka nga apelimi ndëshkimit që ka marrë më parë. Por Europa ka rregullat për futbollin e saj, ndaj nuk i fal lehtë trukimet dhe lëshimet. Dhe ajo çka do të thotë më shumë ky fakt, ka të bëjë me atë, se radarët europianë tani së fundi kanë shenjestruar dhe “Tiranën”, që kthehet tek titulli kampion pas plot 11 sezoneve. Dhe po rezultoi se do do të ketë të vërteta, nuk mbetet gjë tjetër, veçse të gjithë duhet ta pranojmë se futbolli ynë është përbaltur. Dhe kur pjesë e këtyre “pazareve” bëhet dhe skuadra kampione, ajo çka kemi thënë më parë, se futbolli ynë po kthehet në “treg gabi”, nuk është më hipotezë. Por ky titull fituar nga “Tirana”, përveç se ka të veçantën kryesore që fitohet në kuadrin e 100- vjetorit të S.K “Tiranës”, ka të pranishëm dhe një detaj, që nuk ka qënë pjesë e festës zyrtare të fitimit të titullit kampion në 24 tituj e fituar më parë, sepse në këtë cermoni zyrtare titulli, do të mugojnë tifozët. Deri diku i justifikuar si fakt, sepse pandemia e Covid-19, vazhdon ta mbajë të kontrolluar futbollin me protokollin e saj sanitar. Madje, këtu në Shqipëri, futbolli është dhe sporti më i privilegjuar, që u lejua t’i përcaktojë fituesit dhe t’ju japë skuadrave pjesmarrëse “dekoratat e sezionit në fushën e lojës” . Kujtohen këtu se basketbolli, volejbolli, dhe shumë sporte të tjera, thuajse kanë mbetuar të harruara në gara, ndeshje, dhe fituesit e tyre. Gjithësesi, le të lëmë pak kohë prapa ato çka luhen në prapaskenën e futbollit shqiptar dhe të flasim për fotofinishin e këtij kampionati që edhe pse i duhet dhe akti fundit, gjithçka thuajse ka marrë zgjidhjet e saj. Kështu, “Kukësi”, “Laçi”, dhe “Teuta”, janë pjesë e skuadrave shqiptare që e kanë siguruar pjesëmarrjen në Europë. Në turet paraeleminatore dhe eleminatore të Europa –League. “Kukësi” tashmë në tetë sezonet i pranishëm në Kategorinë Superiore, plotë shtatë here, ka qenë i pranishëm në Europë. Një herë kampion dhe gjashtë herë nënkampion, “Kukësi” e ka kthyer tashmë në traditë thuajse çdo sezon, praninë e tij në futbollin europian, duke qenë pjesë e tureve të Europa –League . Vetëm në sezonin 2013-2014, kur “Kukësi” u rreshtua në vendin e pestë në klasifikim, qëndroi jashtë grupit europian të skuadrave shqiptare, sepse çdo sezon tjetër ka qënë pjesë e suksesit. Edhe këtë sezon, verilindorët treguan futboll, dëshirë dhe ambicje deri tre javë përpara mbylljes kampionatit, kur me humbjen e pësuar nga “Vllaznia” u dorëzuan në ndjekjen që kanë bërë thuajse çdo javë të kampionatit, “Tiranës” Madje duhet pranuar se në pjesën e parë të kampionatit, “Kukësi” kryesoi fort klasifikimin duke u prezatuar si kanidat i fortë për fitimin e titullit kampion. Ndoshta ndryshimi drejtimit në pankinë ndikojë në luhatjen e rezultateve të skuadrës. Javën e fundit “Kukësi” luan në Gjirokastër me “Luftëtarin”, ku do synojë fitoren, sepse çdo rezultat tjetër i lëshon vendin e dytë në klasifikim “Laçit”, që si gjithmonë pret “dhuratat” e fund sezonit. Skuadra kurbinase e ka siguruar tashmë pjesmarrjen në Europa-League, si skuadra e vendit tretë në klasifikim, por ka fituar dhe garën e golëshënuesit më të mirë me Nuabueze me 23 gola të shënuar deri tani. Ndeshja më e fundit përballë “Teutës”, ka më shumë vlera statistikore dhe mund të jetë një mundësi për sulmuesin Nuabueze të tregojë vlerat e tij si golëshënues. Nga ana tjetër “Teuta” me fitoren ndaj “Flamurtarit” në Vlorë, 2-3, e siguroi pjesmarrjen në Europë, por ka në dorë dhe një shans – finalet e Kupës, të 2 gushtit 2020, përballë “Tiranës”. “Skënderbeu” në mesin e tabelës edhe pse pa objektiva për Europë, luan futbollin e tij tashmë tradicional në këto vitet e fundit, edhe pse këtë sezon nuk shkëlqeu si më parë. “Partizani”, nga kampion në fuqi, këtë sezon ishte hije vetvetes, me atë drejtim mediokër të trajnerëve italianë, që më shumë dëmtuan imazhin , historinë dhe vlerat e këtij klubi të rikthyer në traditën e tij më mirë. Përballja e fundit e sezonit me “Skënderbeun”, ndoshta i jep një shans, që falë kalkulimeve, të jetë pjesë e futbollit europian. “Bylis”, që hera –herës shkëlqeu, duke bërë që disa specialistë përpara kohe ta vendosnin si një skuadër që do të sfidonte ekipet e mëdha . Luhatje të shumta në pjesën e dytë të sezonit e sollën skuadrën ballshiote në një gjëndje ku diskutohej, jo pak dhe zona plej-aut. “Vllaznia”, kjo zonjë e vjetër e futbollit shqiptar, edhe këtë sezon nuk solli ndonjë ndryshim të madh siç u paraqit në disa javë të këtij kampionati , kur futbolli saj tregoi vlera. Humbja e fundit 3-0 ndaj “Partizanit” u ka dhënë shkodranëve vetëm vendin e skuadrës që vendoset në zonën e play-out, duke pasur të drejtën të luajë dhe një ndeshje finale në fushën e saj, me një nga dy skuadrat e Kategorisë Parë, atë të “Besëlidhjes”, ose “Pogradecit”, për të qenë pjesë e më mirëve. “Lufëtari” dhe “Flamurtari” që e kanë veshur javë më parë kostumin e Kategorisë Parë, tanimë ju duhet të mendojnë rikthimin e tyre në Kategorinë Superiore. Kështu pra, ky kampionat i Kategorisë Superiore nuk solli shumë supriza, përveç asaj, që shumë ndeshje të tij, u zhvilluan për shkak të Covid -19, pa praninë e tifozëve dhe me regjim të fortë sanitar. E pra , “Tirana” , “Kukësi”, “Laçi”, që këto dhjetë vitet e fundit kanë vendosur hegjemoninë e tyre në futbollin shqiptar për zonën e Europës, tani do kenë pjesë të tyre dhe “Teutën”. Kupa e Shqipërisë në futboll në 2 gusht 2020, luan finalen e saj të 68-të, do vendosë përballë njëra tjetrës “Tiranën” dhe “Teutën”. “Tirana” është 16 herë fituese e Kupës dhe 9 herë finaliste saj, kurse “Teuta”, 3 herë fituese dhe 6 herë finaliste. Përballjet midis dy skuadrave në finale të Kupës janë 4 herë, ku sejcila skuadër e ka fituar nga 2 herë atë. Kështu, “Tirana” ka fituar në finalet e 1994 dhe 2001, kurse “Teuta” në finalet e 1995 dhe 2005. Rezultatet janë pak intriguese, sepse në finalen e 1994, “Tirana” ka fituar 1-0, kurse në atë të 2001 me rezultatin 5-0 . “Teuta” të dy finalet, ato të 1995 dhe 2005, i ka fituar me penallti, sepse rezultati ndeshjeve ka dhënë rezultat të barabartë 0-0. Pra kjo është finalja e 5-të midis tyre dhe natyrshëm pyesim kush do të fitojë? Trofeu zyrtarisht do jepet njërit prej fituesve, por kjo nuk do ndikojë për pjesmarrjen në Europa-League, sepse katër skuadrat shqiptare tashmë, janë përcaktuar dhe ato janë: “Tirana”, “Kukësi”, “Laçi” dhe “Teuta”. Gjithësesi, finalja e Kupës do të luhet …