/Gazeta TELEGRAF
“Teuta” e trajnerit Edi Martini merr e vetme kryesimin në Superiore
Jo shume larg , por dje pas ndeshjeve të javës të 27 të Kategorisë Superiore , që mbyllën dhe fazën e tretë të këtij sezoni futbollistik një specialist i njohur futbolli ndër të tjera u shpreh: “Futbolli ynë në Superiore , por jo vetëm në këtë nivel ka hyrë në fazën më bukur , më intersante të tij, atë ku për çdo javë dhe ndeshje do ecet me llogari të bërë mirë. Për çdo ndeshje dhe përballë çdo kundështari kanë shumë rëndësi pikët”.Ky njeri i futbollit që e ka shijuar futbollin si futbollist dhe trajner edhe pse nuk ka shumë për qejf të dalë e të japë mendime dhe “receta’ nga ekranet në pjesën më të madhe të rasteve është në oponencë me formatimin gjeografik të futbollit shqiptar dhe mënyrën se si finalizohen sezonet në kategoritë e futbollit shqiptar me fazat e “plej –off” dhe “plej –out”. Gjithsesi, në togfjalëshin e tij të shprehur specialisti ka parasysh përvojën e tij si futbollist dhe trajner , ku shumë gjëra të pakëndshme të sezonit futbollistik shfaqen hapur në këtë të zhvillimit të sezonit futbollstik . Duke I dhënë të drejtë specialistit faktet e sezoneve të fundit duan të thonë se në ndeshjet e fazës të katërt të Kategorisë Superiore , por dhe në javët që zhvillohen nivelet e tjera të futbollit shqiptar shfaqen këto “viruse” që e shëmtojnë dhe i humbasin vlerat garës sportive . Kështu në këtë fazë shfaqen aleancat fluide midis skuadrave duke lëshuar në rezultate. Një fenomen ky që në jo pak raste bën “kurban” ekipe, të cilat e kanë respektuar garën.
Por jo pak rëndësi këtu ndikojnë dhe fërshëllimat e “birbilave mëkatar” që me vendimet e tyre i japin më shumë rëndësi padrejtësive , duke favorizuar me “urdhër “atë ose këtë skuadër. Por këtyre detajeve duhet të shtohet edhe ajo që nuk I ka shpëtuar asnjëherë futbollit shqiptar kur ka fushatë elektorale, ku poltika me marifetet e saj ndikon në rezultatet e ndeshjeve për të siguruar vota. Në jo pak raste në sezonet e kaluara këto ndërhyrje të atyre që ju dhimbset aq shumë futbolli ka ndodhur që është ndryshuar dhe formatimi i sezonit të ardhshëm për të mos lejuar të zbresë një nivel më poshtë , ajo ose kjo skuadër. Edhe pse nuk thuhet hapur në ndeshjet e Kategorisë të Parë dhe Kategorisëtë Dytë këto gara kanë filluar të shfaqen në ndeshje të veçanta. Ndoshta në ditët e ardhshëm dikush thotë të vërtetën ashtu siç është e vërteta për “kurbanët” që po bëjnë dhe në futbollin shqiptar kandidatët për deputet të kësaj fushate elektorale . Jo shumë larg, por në prag të ndeshjes të Kategorisë të Dytë, të grupit B, ajo midis “Devollit “ me “Butrintin”, që u zhvillua dje në Bilisht, trajneri i njohur sarandiot Milto Gurma do të shprehej : “Ne jemi një skuadër që kryesojmë klasifikimin në grupin tonë. Kundërshtari ynë është shumë pak ekipit tonë në klasifikim . Ne e kemi shumë të qartë që ata do luajnë fort dhe me gjithëçka duke filluar nga gjyqtari, duke aktivizuar dhe ndërhyrjet politike me qëllim që të dëmtohet skuadra jonë e Butrintit me çdo kusht dhe të favorizohet rivali ynë në klasifikim Maliqi”. Dhe në fakt trajneri Milto Gurma e ka parandjerë këtë gjë, e cila u vërtetua më së miri në fushën e lojës, ku skuadra e tij humbi në këtë ndeshje më rezultatin 2-1, duke humbur njëkohësisht dhe kryesimin në grupin B, pas plot 18 javëve kampionat . Trajneri Gurma pas ndeshjes do të shprehej:-” Tani na duhet të bëjmë shumë kujdes për të realizuar objektivat tona në çdo ndeshje, që kemi për të zhvilluar. Kampionati ynë është në një moment ku llogaritë duhet t’i mbajnë të hapur deri në fund për çdo ndeshje dhe ballafaqim”. E sollëm këtë fakt , për të treguar se futbolli shqiptar jo vetëm që nuk e ka harruar “zanatin “ , por në këtë lojë duket se ka futur dhe politikën , atë që në shumë raste është përgjegjëse e gjëndjes që vuajnë edhe sot dhe qytete të tilla si: Kavaja , Gjirokastra , Berati , Elbasani , Vlora , Lushnja dhe Lezha . Në këtë klimë jo pak të nxehur politike janë zhvilluar dhe ndeshjet e javës të 27 të Kategorisë Superiore, të cilat ulën dhe siparin e fazës të tretë të saj. Kështu Superiorja ka lënë pas 135 ndeshjet e saj , duke bërë që të 10 skuadrat të përballen nga tre herë njëra me tjetrën.
Rregulli i Superiores e kërkon që duhet të zhvillohet dhe një fazë tjetër e garës futbollistike për të njohur verdiktet e Kampionatit të 82 – të futbollit shqiptar. Kësisoj do të na duhet të presim çdo të prodhojnë dhe 35 ndeshjet e fazës së katërt për të njohur skuadrën kampione , ekipet pjesmarrëse në Kupat e Evropës sot dhe ato që do bien një kategori më poshtë. Pra e thënë më qartë tashmë gjithëçka për çdo ndeshje do bëhet me laps në dorë ose e kuptuar më mirë futbolli do luhet me “llogari” të hapura , ku gjithësecili do kërkojë të marrë atë “shpërblim” që i bën më shumë punë dhe duhet për skuadrën e tij . Më mirë se këtë gjë e konstatuan edhe në këtë javë që kaloi në ndeshjet e Superiores, të cilat u zhvilluan si dhe shumë herë të tjera në dy ditë dhe ku u regjistruan këto rezulate dhe na ka dhënë këtë klasifikim:
Apollonia 0-2 Teuta
(L.Vila 19` , Bregu 55`)
Laci 0-0 Vllaznia
Skënderbeu 0-0 Tirana
Kastrioti 0-3 Kukësi
( Eze 50` dhe 59`, Lula 72`)
Partizani 3-0 Bylis
(Junior 1` ,Asani 68`,Cinari 84`)
KLASIFIKIMI –KATEGORIA SUPERIORE
1.Tetuta 27 49 pikë
2.Partizani 27 47 pikë
3.Vllaznia 27 47 pikë
4.Laçi 27 45 pikë
5.Tirana 27 42 pikë
6.Kukësi 27 35 pikë
7.Kastrioti 27 30 pikë
8.Bylis 27 26 pikë
9.Skënderbeu 27 23 pikë
10.Apollonia 27 17 pikë
Kështu skuadra e ‘Teutës’ pasi ka marrë për herë të parë kryesimin e klasifikimit fal golaverazhit , në këtë javë konsolidoi e vetme në kryesim pas 27 javëve. Me 49 pikë dhe e vetme në krye “Teuta : është shkëputur me 2 pikë më shumë nga rivalët e “Partizanit” dhe “Vllaznisë” që e ndjekin. Në përballjen me “Apolloninë” skuadra bregdetare e drejtuar nga Edi Martini përmbushi pritshmëritë në “Loni Papuçiu”, ku shënoi nga një gol në çdo pjesë, për ta mbyllur fazën e tretë si lidere e kampionatit. Lorenco Vila zhbllokoi rezultatin në minutën e 20, teksa shtyu me lehtësi drejt rrjetës topin e pasuar nga Blerim Krasniqi. “Djemtë e Detit” ishin dominues gjatë pjesës së parë, por pa mundur të shënonin gola të tjerë. Sapo nisi fraksioni i dytë, Krasniqi stampoi topin në traversë, kur i kishte mundësitë të ishte pak më i qetë në konkludim, ndërsa rasti i parë i rrezikshëm për Apoloninë u shënua në minutën e 52-të, me gjuajtjen e gjatës, që prodhoi gol .Teuta shënoi golin e sigurisë me Dejvi Bregun në minutën e 55-të.
Futbollisti vlonjat kontrolloi topin në krah të majtë brenda zonës, u zhvendos drejt qendrës, për të mposhtur portierin fierak me një goditje që pasi u përplas në shtyllë përfundoi në rrjetë. Kështu edhe në këtë ndeshje Bregu kthehet në protagonist për skuadrën e tij . Laçi 0-0 Vllaznia! Një ndeshje që solli fitues dhe në pamje të parë të duket se ka qenë një ndeshje e zhvilluar në “paqe”. Vllaznia i merr pikën e parë Laçit në këtë sezon në një barazim 0-0, që la të zhgënjyer skuadrën e Shpëtim Duros, e cila nuk mundi ta shfrytëzonte faktorin fushë. Nga ana tjetër kuqeblutë pas kësaj ndeshe humbin terren ndaj Teutës, që tashmë kryeson e vetme. Më kërkuese Vllaznia gjatë pjesës së parë, madje momentin e parë të vështirë në portën e Laçit e krijoi që në minutën e 2-të, por Cise u ndal në momentin e fundit nga Sherri. Në të 11-tën Mevlan Adili e çoi topin me kokë paksa mbi traversë, ndërsa në një moment të artë kundërsulmi, në minutën e 38-të Xhixha i Laçit u ndal në momentin e fundit nga mbrojtja shkodrane. Pjesa e dytë ishte më e mirë për kurbinasit, që shtuan presionin në gjysmëfushën e kuqebluve në kërkim të golit të epërsisë. Laçianët nuk u besojnë syve në minutën e 54, kur Harmon, pranë pikës së penalltisë, goditi fuqishëm, por jashtë portës . Shkodranët nuk ia dolën të shfrytëzonin një mundësi të artë në minutën e 81-të, me Isaevskin që nuk mundi të pasonte si duhet për Da Silvën, moment ky që mund të kishte vendosur fatin e ndeshjes.
Asgjë nuk ndryshoi në minutat në vazhdim, me vërshëllimën e fundit të gjyqtarit Bajramajt që sanksionoi barazimin 0-0, i favorshëm për rivalët e tjerë për titullin kampion, Teutën dhe Partizanin. Barazimi i parë për Orges Shehin në stolin e Tiranës erdhi pas 11 ndeshjesh pikërisht në Korçë në qytetin ku shkroi historinë si futbollist me Skënderbeun. Bardhekuqtë ndalën bardheblutë në një barazim pa gola, duke konfirmuar momentin e mirë që po kalojnë me skuadrën e Memellit që mori pikën e 10-të në 5 ndeshjet e fundit dhe rriti ndjeshëm shanset për mbijetesën. Për Tiranën e Shehit një barazim që i qëndron ngushtë, sepse erdhi pas dy fitoresh dhe rresht dhe bardheblutë mund të humbasin terren në garën për Europën dhe titullin. Në Korçë sfida nisi me Tiranën më kërkuese. Tentativa e parë në drejtim të portës erdhi në minutën e 7-të, por goditja e Taulant Seferit ishte e lehtë dhe nuk solli asnjë vështirësi për Dajsinanin. 3 minuta më pas provoi edhe Marsel Ismailgeci nga distance, por portieri i Skënderbeut u shfaq në lartësinë e duhur. Minutat në vazhdim ishin disi më të qeta me dy skuadrat që u munduan të studionin lojën e njëra-tjetrës edhe pse duhet theksuar që Skënderbeu nisi të shikonte më shumë nga porta e Tiranës. Goli erdhi në fund të pjesës së parë me Berishën, i cili nuk fali në goditjen e tij me kokë, por gjithçka u anulua nga gjyqtari anësor për një pozicion jashtë loje. Në aksionin pasardhës u shfaq edhe Tirana e rrezikshme me Torassën që nxorri të lirë para porte Seferin, por sulmuesi nuk kontrolloi siç duhet topin e marrë nga argjentinasi. Pjesa e parë u mbyll me një diagonale të Seferit që nuk gjeti portën e Dajsinanit. Pjesa e dytë nisi me Tiranën disi më mirë, por edhe bardhebluve u mungonte pasimi i fundit.
Në minutën e 76 tjetër mundësi e mirë për kryeqytetasit me Seferin që iu vodh mbrojtjes vendase, por tentativa e tij fluturimthi nuk shkoi në kuadrat. Minutat në vazhdim folën pothuajse të gjitha për Tiranën që e përqëndroi lojën në gjysmëfushën e Skënderbeut, por rastet e pastra për shënim munguan me dy skuadrat që ndanë nga një pikë, barazim që u shkoi më shumë përshtat korçarëve, të cilët e ngushtuan në vetëm 3 pikë diferencën me Bylisin e vendit të 8-të dhe kanë shanse reale për të kapur zonën play-out ose pse jo për të synuar qëndrimin direkt në Superiore edhe për sezonin e ardhshëm. Kukësi u rikthye pas afërsisht dy muajve te fitorja dhe klubi verilindor ia doli mbanë për ta bërë këtë në një fushë që konsiderohet si e vështirë, ndaj Kastriotit. Në Kamëz blutë e Mirel Josës shpërthyen me tre gola në pjesën e dytë, duke regjistruar suksesin e parë në kampionat pas ekzaktësisht 56 ditëve. Fitorja e gjashtë larg shtëpisë u vulos nga dy golat e qendërsulmuesit Patrick Friday Eze, që i mjaftuan 28-vjeçarit nigerian për të kaluar kapitenin e ekipit të tij Agim Ibrahimi në listën e golashënuesve më të mirë të këtij edicioni të Kategorisë Superiore, ndërsa llogaritë i mbylli përfundimisht Bruno Lulaj. Në këtë mënyrë formacioni i drejtuar nga trajneri Ramazan Ndreu shpërdoroi ndoshta mundësinë e fundit për të bërë rokadën me skuadrën kuksiane, përkundrazi tani është klubi verilindor që duket se shkëput përfundimisht lidhjet me “zonën e ftohtë”, teksa krijon një diferencë prej plot 5 pikësh me ekipin e Kastriotit.
Por gjithsesi “Kukësi’ këtij sezoni është më i dobëti i këtyre sezoneve të fundit , ku ishim mësuar ta shihnim në grupin e më mirëve për të fituar trofe. Partizani 3-0 Bylis! Një fitore kjo me shumë vlera që vjen në momentin e duhur për skuadrën e “Partizanit”. Edhe pse duhej të priste plot 7 vite që skuadra e kuqe t’ju merrte pikët e plota mallakastiotëve , në ndeshjen e djeshme gjithëçka e ka bërë realitet me lojë dhe rezultat. Fitore me 3 gola të shënuar për 3 pikë që e kanë dërguar skuadrën e Partizanit në vendin e dytë në klasifikim me 47 pikë , dhe fal golaverazhit ka spostuar tashmë ‘Vllazninë’ në vendin e tretë. Junior, Asani dhe Çinari janë autorë të golave të skuadrës të Ilir Dajës që tashmë pas kësaj, ndeshje, ka filluar të bëjë llogari për garën e hapur deri në fund për fitimin e titullit kampion.”Teuta” , “Partizani”, “Vllaznia “ dhe pse jo “Laçi” janë kuarteti që siç duket do vazhdojë garën për fitimin e titullit kampion . Kështu pra, skuadrat në tre nivelet e futbollit tonë kanë filluar që tani të bëjnë llogaritë e tyre kur ka kaluar pak më shumë se gjysma e sezonit. Dhe llogari kanë filluar të bëjnë mirë dhe t’i mbajnë ato të hapura në vecanti në Kategorin Spueriore ata që kërkojën fitimin e titullit kampion parë , të tjerë që synojnë zonën evropiane , por dhe ata që kërkojnë mbijetesën. Kjo do ‘ti japë bukuri garës në ndeshjet e fazës të katërt , duke mos e baltosur atë me ato marifete dhe,’’detaje” që dimë t’i bëjmë mirë ne shqiptarët çdo fund sezoni .
