INTERVISTA/ Ish-portieri i Flamurtarit, Luan Birçe, mbetet dyshues për formulën e Superiores
Agron KAJA
Flamurtari e mbylli kampionatin në Superiore në vëndin e fundit, si e përshkruani rrugëtimin në 36 javë?
Mendoj se ka qënë një kampionat i përfolur me trukime dhe aleanca, ndaj të cilave Flamurtari qëndroi larg tyre. Ky pozicion i Flamurtarit është edhe produkt i formulës që zgjodhi FSHF-ja, i cili mbeti viktima e skemës së FSHF-së.
Skuadra vlonjate zbriti një javë para përfundimit, çfarë ndikoi më shumë në këtë dështim?
Me Teutën ishte një ndeshje që dukej e fituar. Barazimi erdhi në një moment delikat, ku fitorja do na mbante në Superiore. Por, rikujtoj se mundësitë kanë qënë edhe në ndeshje të tjera të humbura apo të barazuara, që sollën situatën e vështirë.
Drejtues të klubit kanë shprehur pakënaqësi gjatë garës. I mendoni si justifikime për dështimin?
Të gjitha kanë qënë realitete evidente gjatë garës, të cilat e ndëshkuan Flamurtarin. Kujtoj vetëm minutën e 93-të me Teutën kur u dha një penallti për durrsakët, që do të thotë se skuadra ishte pasojë e një fatkeqësie që nuk ja doli të rezistonte.
Java e 36-të i përcaktoi verdiktet përfundimtare të kampionatit, ju si i komentoni ato?
Të them të vërtetën, Teuta ishte me fat që mbeti në këtë pozicion në Superiore, sepse bëri edhe tolerime gjatë garës. Katër skuadrat e para treguan vazhdimësi në kryesimin e tyre. Ndërsa për Bylisin, mendoj se nuk e mbajti dot trysninë e garës.
Kampionati u mbyll edhe me elementë të dhunës në stadiumin e Elbasanit, çfarë i treguan futbollit tonë?
Këto janë disa momente që nuk duhet të ndodhin. Tifozët nuk duhet të dhunojnë, por të vijnë dhe të kënaqen në stadium. Të vijnë edhe nga moshat e ndryshme dhe të gjitha gjinitë, sepse futbolli është për të gjithë, pa dhunën që duhet eliminuar.
Pasi është mbyllur kampionati, ju si e analizoni tabelën e renditjes në të gjithë shtrirjen e saj?
Unë jam shprehur para dhe gjatë këtij kampionati, sepse kam qënë dhe jam dyshues për formulën e Superiores. Nuk është një skemë që i përgjigjet realitetit të futbollit tonë, por që edhe nxit trukimin e ndeshjet e paramenduara.
Këtë fundjavë (sot) nisin ndeshjet e “Final 4” për titullin kampion, si e parashikoni këtë garë?
Janë ndeshje kokë më kokë që do varen shume nga episodet e lehta, goditjet standarte dhe finalizimet në zonat kundërshtare. Por vazhdoj të jem paragjykues me skemën, edhe pse në fundin e saj unë e shikoj AF Elbasanin si kampion.
Teuta e vëndit të 8-të do të luajë sot ndeshjen me Pogradecin për Superioren, cilën skuadër e mendoni fituese?
Këtë ndeshje e mendoj në favorin e Tuetës. Por do kërkoja një gjykim me nivel të mirë dhe serioz, të paanshëm. Edhe Pogradeci ka bërë mirë që erdhi deri këtu, dhe kjo sfidë që vjen si e paparashikueshme, do jetë në anën e Teutës si fituese.
Mblidhen arbitrat, në fokus ndeshjet e “
Sektori i Arbitrimit në FSHF ka përzgjedhur një grup arbitrash me eksperiencë për të drejtuar ndeshjet e fazës “Final 4”. Dje ajo organizoi një takim ku ishte i pranishëm edhe Presidenti i FSHF-së Armand Duka, i cili vlerësoi rëndësinë e kësaj faze finale dhe rolin e arbitrimit. Në fokus ishin edhe aspekti teknik dhe vendimmarrja tyre në fushë. Biletat për ndeshjet mund të sigurohen online në ebileta.al, si dhe pranë pikës fizike të shitjes në stadiumin “Air Albania”.
Bellai rikonfirmohet në bankinën e Vorës
Dje, përmes një postimi në rrjetet sociale, klubi i Vorës ka njoftuar rinovimin e kontratës me trajnerin Arajn Bellaji edhe për një vit tjetër. Arritja e objektivit madhor, mbijetesa në elitën e futbollit shqiptar, duket se i ka kënaqur të dyja palët. Vora e mbylli sezonin në vendin e 7-të të Superiores, duke i shpëtuar rënies në Kategorinë e Parë dhe fazës Play-Out.
ABISSNET SUPERIORE
SEZONI 2025-2026
RENDITJA PËRFUNDIMTARE
Skuadrat Nd P
1.Vllaznia 36 63
2.AF Elbasani 36 62
3.Egnatia 36 57
4.Dinamo City 36 49
———————————–
5.Partizani 36 48
6.Tirana 36 44
7.Vora 36 42
———————————–
8.Teuta 36 42
———————————–
9.Bylis 36 41
10.Flamurtari 36 36
RENDITJA E “FINAL 4”
1.Vllaznia 31 pikë
2.Elbasani 31 pikë
3.Egnatia 28 pikë
4.Dinamo City 24 pikë
NDESHJET E “FINAL 4”
Takimet e para
E shtunë, 16 maj 2026
Vllaznia-Dinamo C 19:00
E dielë, 17 maj 2026
AF Elbasani -Egnatia 19:00
Takimet e dyta
E shtunë, 23 maj 2026
Vllaznia-Egnatia 19:00
E dielë, 24 maj 2026
AF Elbasani -Dinamo C 19:00
Takimet e treta
E premte, 29 maj 2026
Egnatia-Dinamo C 19:00
E dielë, 31 maj 2026
Vllaznia-AF Elbasani 19:00
(Të gjitha ndeshjet do të luhen në “Air Albania”)
NDESHJA PLAY-OUT
E shtunë, 16 maj 2026
Teuta-Pogradeci 16:00
(Në stadiumin “Niko Dovana”)
Nis sot “Ruleta” e “Final 4”, kartonët e kampionatit nuk mbarten
“Final 4” do të ngrejë siparin këtë të shtunë në stadiumin “Air Albania”, në garën për titullin kampion në Abissnet Superiore 2025-2026. Vllaznia-Dinamo City do të përballen më 16 maj, në orën 19:00, ndërsa sfida tjetër, AF Elbasani-Egnatia luhet të dielën, më 17 maj ora 19:00. Në këto ndeshje, kartonët e verdhë nuk mbarten, ndërsa edhe për kartonët e kuq, Rregullorja e FSHF shkruan se ato në ndeshjen e fundit të Kampionatit nuk do të mbarten në ndeshjet “Final 4”. Në javën e fundit Dejvi Metaj i Dinamos, ishte i vetmi lojtar që u ndëshkua me karton të kuq. Ndeshjet pritet të sjellin tifozeri në stadium, ku në total do të luhen 6 sfida, të gjitha në “Air Albania”, në harkun kohor 16-31 maj 2026, duke nisur nga ora 19:00.
