u desh pak kohë, por më në fund Eros Grezda ka filluar të lërë shenjë në futbollin skocez. Mesfushori ofensiv i përfaqësueses shqiptare, shënoi dy gola e dha një asist këtë fundjavë në suksesin 7-1 të skuadrës së tij. Kaq i mjaftoi atij që të siguronte jo vetëm në vend në formacionin më të mirë të zgjedhur nga Premier Liga Skoceze, por edhe të jetë “ylli” i këtij rreshtimi ideal për ata që zbritën në fushë gjatë fundjavës.
Edhe pse skuadra e fitoi me një rezultat dominues ndeshjen, përkundrejt asaj që mund të mendohet, Grezda ishte përfaqësuesi i vetëm i Rejnxhërs në këtë rreshtim, që e bën edhe më domethënës përfshirjen e tij në listën e më të mirëve të fundjavës në Skoci. “Urime mesfushorit të Rejnxhërs Eros Grezda! Ai shënoi dy herë dhe regjistroi një asist ndërsa mundën 7-1 Modheruell të dielën, duke i siguruar vendin e ‘Yllit’ në skuadrën tonë të javës”, shkruante në rrjetet sociale vetë Liga Skoceze.
