Ze Maria kërkon “marshimin” edhe ndaj Naftëtarit. Edhe pse kundërshtari pësoi 13 gola në dy ndeshje nga Partizani, braziliani u kërkon lojtarëve që të mos e marrin lehtë. Ai madje e krahason Tiranën me të mëdhatë në Itali.
Ai kujton që kur luante për Peruxhian, ndaj ekipeve si Juve, Inter apo Milan gjithnjë jepnin maksimumin. Të njëjtën gjë po e sheh edhe në Kategorinë e Parë. Në konferencën e dhënë dje për mediat, trajneri komentoi edhe zhbllokimin e sulmuesve, por edhe shortin e Kupës së Shqipërisë.
Keni marrë 6 pikë në dy ndeshje, është i kënaqur Ze Maria me paraqitjen e skuadrës?
Kemi marrë maksimumin, edhe pse jo gjithnjë kemi luajtur mirë. Por, në fillim të çdo sezoni, ato që vlejnë janë pikët. Kemi marrë 6 pikë dhe shpresojmë nesër (sot) të fitojmë të radhës dhe të shkojmë në kuotën e 9 pikëve. Një skuadër si Tirana luan gjithnjë për të fituar.
Çfarë përshtypjeje ju ka krijuar kategoria ku luani dhe mbi të gjitha kundërshtarët?
Në Itali edhe unë kam luajtur në skuadra të vogla, siç ishte rasti i Peruxhias. Sa herë që ndesheshim me Interin, Juventusin apo Milanin, jepnim gjithmonë më të mirën dhe ndonjëherë edhe arrinim të fitonim. Kur luhet ndaj të mëdhave, siç është edhe rasti i Tiranës, të gjithë kundërshtarët duan të tregojnë forcën e tyre.
Për këtë arsye, ndeshjet kundër nesh janë të ndryshme nga ato me kundërshtarët e tjerë, sepse në fund të fundit Tirana është skuadra që ka fituar më tepër tituj dhe që njihet më shumë jashtë Shqipërisë.
Përshtypja ime është se skuadrat kërkojnë gjithmonë të japin më të mirën dhe kjo na krijon disa vështirësi. Por, mbi të gjitha, në këto dy javë, jemi shfaqur cilësi. Nuk jemi në formën më të mirë, por po rritemi.
A do të ndryshoni diçka në ekipin tuaj?
Ata që e ndjekin Tiranën në stërvitje, e dinë se sa kërkues jam unë ndaj vetes dhe lojtarëve të mi. Dua gjithnjë maksimumin. Natyrisht që diçka duhet ta përmirësojmë në nivelin sulmues, mbrojtës, por edhe në organizim. Skuadra është në rritje dhe kemi shumë për të bërë.
Naftëtari pësoi 13 gola në Kupë prej Partizanit. I druheni faktit që lojtarët mund ta marrin disi lehtë këtë kundërshtar?
Lojtarët e mi e dinë që nuk duhet të nënvlerësojnë askënd. Mund të bëhem edhe monoton, por të gjithë e dimë që bëjmë pjesë në një klub të madh dhe me një të kaluar të rëndësishme. Nuk ka vend për qetë- si. Me çdo kundërshtar do të luajmë sikur ndeshemi me kampionët e Shqipërisë. Ky është mentaliteti që kërkoj.
Naftëtari nuk luajti me ekipin më të mirë në Kupë, ndaj pësuan 13 gola. Kështu ndodhi edhe me Besën, në ndeshjen tonë. Me këtë dua të them që çdo ndeshje ka një histori të veçantë dhe nuk mund të quhet e fituar ende pa u luajtur. Nëse pësojmë gol, çdo gjë vështirësohet dhe për këtë arsye duhet të jemi të përqendruar dhe të përpiqemi prej fillimit të marrim rezultat.
Tirana ra në Shkodër dhe Vllaznia është kundërshtari i radhës në Kupë. E dini që klubi dhe lojtarët do e trajtojnë këtë sfidë për “hakmarrje”?
E njoh historinë e asaj ndeshjeje dhe rezultatin, por përpara Vllaznisë kemi edhe dy ndeshje të tjera për të luajtur. Do të mendojmë pas datës 14 për Vllazninë. Do të kemi kohë t’i studiojmë në televizor apo edhe me video. Për këtë ndeshje do të flasim në vazhdim.
Naftëtari nuk luajti me ekipin më të mirë në Kupë, ndaj pësuan 13 gola. Kështu ndodhi edhe me Besën, në ndeshjen tonë. Me këtë dua të them që çdo ndeshje ka një histori të veçantë dhe nuk mund të quhet e fituar ende pa u luajtur. Nëse pësojmë gol, çdo gjë vështirësohet dhe për këtë arsye duhet të jemi të përqendruar dhe të përpiqemi prej fillimit të marrim rezultat.
Tirana ra në Shkodër dhe Vllaznia është kundërshtari i radhës në Kupë. E dini që klubi dhe lojtarët do e trajtojnë këtë sfidë për “hakmarrje”?
E njoh historinë e asaj ndeshjeje dhe rezultatin, por përpara Vllaznisë kemi edhe dy ndeshje të tjera për të luajtur. Do të mendojmë pas datës 14 për Vllazninë. Do të kemi kohë t’i studiojmë në televizor apo edhe me video. Për këtë ndeshje do të flasim në vazhdim.
