Partizani do të masë forcat të shtunën në orën 19.45 me Tiranën, në Air Albania, në kuadër të javës së 24-të të Superiores. Të kuqtë kanë vijuar përgatitjet për këtë sfidë, teksa gjendja e lojtarëve duket e mirë. Murataj është rikthyer pas skualifikimit dhe do jetë në dispozicon të skuadrës.
“Ekipi ka zbritur sot në fushë për të vijuar përgatitjet në prag të ndeshjes ndaj Tiranës. Në drejtim e trainerit Dritan Mehmeti dhe stafit, skuadra ka zhvilluar seancën e sotme në orën 13.00. Gjendja e grupit rezulton pozitive. Për takimin ndaj Tiranës skuadra plotësohet edhe me rikthimin e mesfushorit Valentino Murataj i cili ka shlyer skualifikimin” – shkruan klubi.
Ekipi i Mehmetit renditet në vendin e pestë me 33 pikë. Kryeqytetasit janë në një formë të mrië, pasi numërojnë 3 fitore në 5 takimet e fundit.
