David De Gea ishte me valixhe në duar për t’u larguar nga Manchester United dhe së fundmi anglezët kanë marrë një vendim përsa i përket të ardhmes së portierit spanjoll.
Drejtuesit anglezë i kanë ofruar portierit të Kombëtares së Spanjës rinovimin e kontratës.
28-vjeçari ka pranuar të rinovojë kontratën, e cila do ta mbajë të lidhur me “djajtë e kuq” deri në qershorin e vitit 2025.
Gardiani spanjoll do të përfitojë 21 milionë euro në sezon, duke u bërë kështu portieri më i paguar në botë dhe futbollisti i dytë më i paguar tek United pas Alexis Sanchez.
Ai do të firmosë kontratën e re pas kthimit nga Azia ku po zhvillojnë fazën përgatitore.
Në fillim të merkatos qarkullonin zëra se portieri do të largohej nga “Old Trafford”, por mesa duket e ardhmja e tij do të vazhdojë të jetë tek United.
