Donis Avdijaj zyrtarisht ka nënshkruar me Trabzonsporin.
Lojtari i përfaqësueses së Kosovës ka nënshkruar kontratë 4-vjeçare me klubin turk, ku pritet të përfitojë rreth 250 mijë euro në sezon.
Avdijaj ka gjetur klubin e ri pasi paraprakisht ishte në pushim të gjatë, me Ëillem II që i shkëputi kontratën 22-vjeçarit në muajin mars për shkak të sjelljeve jo të mira.
“Është arritur marrëveshja katërvjeçare me futbollistin profesionist Donis Avdijaj, i cili vjen me parametra zero”, ka njoftuar klubi turk.
Lojtari kosovar kishte problemet e njëjta edhe te Schalke 04, pasi u përjashtua nga ekipi për të njëjtat arsye – por tani duket se fati i ka dhënë edhe një shans tjetër atij.