Kur kanë kaluar vetëm pesë javë kampionat janë gjobitur shtatë klube dhe janë pezulluar gjashtë fusha
Dhuna e shfaqur nga tifozeritë kanë qënë shpesh të pranishme në stadumet apo fushat tona. “Rekordin” nn këtë fillim sezoni e mbajnë stadiumet e Kukësit dhe të Flamurtarit, të cilat janë ndëskuar shumë ashpër nga Komisioni i Disiplinës pranë Federatës Shqiptare të Futbollit. Kukësi, që bëri histori në Ligën e Europës, duke qenë skuadra e vetme që kaloi tre tyre eliminatore në kompeticionet europiane, u dënua me katër ndeshje jashtë fushe, për hedhje të sendeve të forta në fushën e lojës duke shkaktuar ndërprerje përfundimtare të ndeshjes Kukësi-Vllaznia (Vendimi: 17 shtator 2013). Gjyqtari kryesor u detyrua ta mbyllë lojën pa u konsumuar 90 minuta të plota. Tifozët vendës të irrituar me lojën e skuadrës kanë nisur të ofendojnë lojtarët dhe hedhin sende në fushë. Flamurtari, për dështim në përmbushjen e përgjegjësive për sigurinë e zyrtarëve të klubit kundërshtar (goditja e presidentit të Skënderbeut, Artan Takaj), diskriminim të ekipit kundërshtar dhe përgjegjësi për sjelljen e spektatorëve në takimin Flamurtari-Skënderbeu (java e 2-të) u dënua me 4 ndeshje jashtë fushe, e shoqëruar kjo edhe me heqjen e tri pikëve nga klasifikimi, por në fuqi mbeti rezultati i ndeshjes 2-1 për vlonjatët (Vendimi: 17 shtator 2013). Besa u dënua me dy ndeshje pa spektatorë, për sjellje të gabuar të spektatorëve në takimin Besa-Teuta, java e 2-të (Vendimi: 17 shtator 2013). Laçi, për shkak të incidenteve të tifozerisë ndaj Partizanit, u gjobit me 50 mijë lekë, duke u bërë ekipi i dytë që gjobitet këtë vit pas Vllaznisë, në ndeshjen kundër Flamurtarit. Dënime fushash ka pasur këtë vit edhe në Kategorinë e Parë. Kështu, Himara është dënuar me katër ndeshje pa spektatorë, për hedhje të sendeve të forta dhe akte dhune ndaj zyrtarëve në javën e parë të kompeticionit. (Vendimi: 5 shtator 2013). Me dy ndeshje pa spekatorë është dënuar Burreli (vendimi: 24 shtator), ndërsa Përmeti i Kategorisë së Dytë është dënduar me dy ndeshje pa shikues.
DËNIME PËR GRUSHTE
Futbollitët e Kategorisë Superiore kanë qenë të disiplinuar dhe korrektë në dy javët e para, ku ka vetëm një dënim, ai ndaj Aldi Bocit të Vllaznisë, të pezulluar katër muaj për lojë ndaj kundërshtarit. Përkundrazi, në Kategorinë e Parë numërohen shtatë raste pezullimesh, ku për gjashtë prej tyre janë për goditje me grushtë të kundërshtarit. Kështu, me nga pesë ndeshje pezullim janë ndëshkuar Hergest Gjondeda (Himara), Mario Muxhaj (Tomori), Nedjad Drazhanin (Butrinti), Rigest Karaj (Mamurrasi), Gerando Sharavaolli (Tomori), Hekuran Koreshi (Albpetroli) dhe Aldo Branica (Shkumbini). Futbollisti kroat i Tiranës, Verdan Gerc, u pezullua pesë ndeshje pas goditjes së lojtarit malazes të Vllaznisë, Blazhe Rajoviç. Lojtari Veleçiku, Senad Lekaj, për goditje ndaj zyrtarit te ndeshjes u dënua 12 muaj. Me katër javë është ndëshkuar Klaudio Rexhepi (Dinamo), për ofendim të zyrtarëve.
Gjobat ndaj klubeve
Deri tani janë dënuar me gjobë shtatë klube: tre nga Kategoria Superiore (Vllaznia, Laçi dhe Tirana); tre nga Kategoria e Parë (Luftëtari, Burreli dhe Iliria) si dhe një nga Kategoria e Dytë (Përmeti). Kryeisht gjobat janë me nga 50 mijë dhe 20 mijë lekë të rinj. Motivet janë për mospërmbushjen e detyrimeve dhe pergjëgjësisë për organizimin e një ndeshje futbolli, kore fyese të tifozëve ndaj gjyqtarëve, por dhe për hedhje të hedhje të sendeve të forta, duke goditur zyrtarin e ndeshjes.
Gjobat ndaj klubeve
Vllaznia 50 000 lekë
Laçi 50 000 lekë
Tirana 50 000 lekë
Luftëtari 50 000 lekë
Burreli 50 000 lekë
Iliria 20 000 lekë
Përmeti 20 000 lekë
Dënimet e fushave
Besa 2 ndeshje pa spektatorë
Kukësi 4 ndeshje jashtë fushe
Flamurtari 4 ndeshje jashtë fushe
Himara 4 ndeshje pa spektatorë
Burreli 1 ndeshje pa spektatorë
Përmeti 2 ndeshje pa spektatorë
Zyrtarët
Dedë Ndreca 18 muaj pezullim
PEZULLIMET E LOJTARËVE
Kategoria Superiore
Aldi Boci (Vllaznia) 4 muaj
Verdan Gerc (Tirana) 5 ndeshje
Kategoria e Parë
Hergest Gjondeda (Himara) 5 ndeshje
Mario Muxhaj (Tomori) 5 ndeshje
Nedjad Drazhanin (Butrinti) 5 ndeshje
Rigest Karaj (Mamurrasi) 5 ndeshje
Gerando Sharavaolli (Tomori) 5 ndeshje
Hekuran Koreshi (Albpetroli) 5 ndeshje
Aldo Branica (Shkumbini) 5 ndeshje
Klaudio Rexhepi (Dinamo) 4 ndeshje
Senad Lekaj (Veleçiku) 12 muaj
HISTORI DHUNE / Sezonin e kaluar u pezulluan 25 fusha dhe u dënuan 70 futbollistë
Ditari i “zi” i futbollit
Ngjarjet e këtyre pesë javëve të para të këtij edicioni në futbollin shqiptar, në të tria kompeticionet, janë një kambanë alarmi për kompeticionin më të rëndësishëm në vend. Në fakt, kemi të bëjmë me një “film” të parë dhe të riparë disa herë. Duke u ndalur të dënimet e fushave, janë dhënë 27 vendime, nga Komisioni i Disiplinës, ku nëntë i përkasin klubeve të Kategorisë Superiore, dhjetë të Kategorisë së Parë dhe gjashtë të Kategorisë së Dytë. Sezonin e kaluar u dënuan me pezullime dhe gjoba të ndryshme, jo pak, por 70 lojtarë, në të tria kompeticionet: Kategoria Superiore, Kategoria e Parë dhe e Dytë, pa përfshirë ato të moshave, teksa janë gjashtë lojtarë që janë ndëshkuar me pezullime të përjetshme: Ervis Peci, Renato Saliko, Hyserion Shupe dhe Efiliano Lico (të katër të Gramozit), si dhe Donald Harizi i Memaliajt. Me pezullime të përjetshëm është dhe Dritan Pica i Besëlidhjes U-19, i cili u tregoi thikën kundërshtarëve dhe gjyqtarit gjatë një ndeshje me Flamurtarin e asaj moshe.
Nëntë nga 14 klubet e Kategorisë Superiore (ose mbi 60%), që janë ndëshkuar nga Komisioni i Disiplinës, për të luajtur pa shikues, apo zhvilluar ndeshje në fushë asnjanëse. Shkaqet janë të ndryshme që, herë lidhen me sjelljen jo korrekte të tifozëve dhe herë me ekzaltimet e tejkaluara të ultrasve në përdorimin masiv të fishekzjarrëve (si në rastin e tifozëve gjirokastritë në fitoren 4-1 të Luftëtarit ndaj Teutës, java e 2-të). Në Kategorinë Superiore spikatën Tomori dhe Luftëtari, me nga dy dënime secili për të luajtur pa shikues, ku bien në sy ato të beratasve me nga katër dhe tri javë, përkatësisht më 29 gusht 2012 (pas incidenteve në javën e parë në ndeshjen kundër Tiranës) dhe 27 nëntor 2012. Luftëtari ka luajtur dy herë pa shikues: më 5 shtator 2012 (hedhje fishekzjarre në ndeshjen Lufëtari-Teuta 4-1) dhe 14 shkurt 2013 (për hedhjen e mjeteve ndezëse në Luftëtari-Kastrioti 1-3). Kulmin në Kategorinë Superiore e mban Besa. Skuadra kavajase u dënua, më 6 nëntor 2012, për të luajtur gjashtë ndeshje jashtë fushe. Gjithçka, lidhet me hedhjen në fushë të sendeve të forta në fushën e lojës nga ana e tifozëve, që sollën ndërprerjen e përkohshme për disa minuta të lojës, në ndeshjen kundër Skënderbeut. Për protesta me fjalë ofenduese u dënuan ish-trajneri i Besës, Ilir Daja, me dy jave pezullim dhe një gjobë prej 100 mijë lekësh.
KATEGORIA SUPERIORE
NDESHJE PA SHIKUES
Tomori 7
Luftëtari 2
Vllaznia 1
Skënderbeu 1
Kastrioti 1
Kukësi 1
Besa 1
Laçi 2
NË FUSHË ASNJANËSE
Besa 6
KATEGORIA E PARË
NDESHJE PA SHIKUES
Butrinti 2
Ada 1
Gramshi 1
Himara 1
Naftëtari 1
Lushnja 1
Pogradeci 1
Partizani 1
NË FUSHË ASNJANËSE
Naftëtari 14
KATEGORIA E DYTË
NDESHJE PA SHIKUES
Memaliaj 4
Turbina 4
Këlcyra 4
Erzeni 2
Përmeti 2
Delvina 1
Bilisht Sport 1
NË FUSHË ASNJANËSE
Këlcyra 6