Një lajm i bujshëm është duke qarkulluar në mediat italiane dhe jo vetëm.
Karlo Ançeloti mund t’i jap fund aventurës në Serinë A me skuadrën e Napolit, teksa pritet t’i bashkohet Inter Majemit në futbollin amerikan.
Kujtojmë që skuadra amerikane është në pronësi të Devid Bekhamit, teksa ky i fundit dëshiron të ndërtojë një skuadër cilësore, teksa pritet t’i besojë timonin 60-vjeçarit italian, Karlo Ançeloti.
Marrëdhënia e shkëlqyer mes Ançelotit dhe Bekhamit i forcon më shumë zërat për një largim të trajnerit drejt MLS.
Inter Majemi do të nisë aventurën në elitën e futbollit amerikan në muajin mars, teksa Ançeloti ka akoma edhe 2 vite kontratë me Napolin.
Ka qenë bashkëpronari i Inter Majemit, Jorge Mas, i cili në një prononcim për media, la të kuptohej që me shumë gjasa 60-vjeçari italian do të jetë trajneri i ri i skuadrës amerikane, gjithsesi gjithçka pritet të qartësohet në muajt e ardhshëm.