Shqipëria e para në rajon, pasi 19.4% e popullsisë është e varfër

232
Sigal

Shqipëria është vendi me nivelin më të lartë të varfërisë në rajon, i pasuar nga Kosova me 17.6% të popullsisë të varfër, Maqedonia e Veriut me 16.4%, dhe Mali i Zi me 15.6%. Serbia ka një nivel nën 10% të personave që jetojnë me më pak se 5.5 dollarë në ditë.

Sipas Bankës Botërore, niveli i varfërisë në vendin tonë kapi një të tretën e popullatës gjatë pandemisë, por përgjatë dy viteve të fundit varfëria është ulur me 9%. Rritja e çmimeve dhe niveli i lartë i inflacionit mund të rritin varfërinë në rajonin e Ballkanit, kur shumica e buxhetit të familjeve shkojnë për ushqime.

Në llogaritjet e fundit të Institutit të Statistikave, 41.6% e shpenzimeve të një familje në Shqipëri shkon për t’u ushqyer 10% për banesën, energjinë ujin dhe 6.9% për mobilim dhe veshje dhe 6.2% për transport.