Drama e pensioneve, rreth 1200 ente publike nuk paguajnë sigurimet Skema e shmangies së sigurimeve, si po krijohen detyrimet nga shkarkimet e padrejta nga puna deri tek fillimi i hetimeve
Alarmi/ Shqiptarët rrezikohen të mbeten pa pensione. Ja lista e dytë
Një situatë alarmante është rikthyer në arkën e sigurimeve shoqërore, ku entet publike po refuzojnë në masë të paguajnë kontributet. Sipas të dhënave zyrtare nga Tatimet, lista e debitorëve arriti në 1171 në maj 2019, teksa mijëra persona që punojnë në shtet u rrezikohen pensionet*. Debitorë që nga Kuvendi, ministritë, tatimet, dogana, burgjet, ujësjellësit, bashki, klube futbolli, qendra shëndetësore, zyra arsimore. Borxhi total arriti në 13.8 miliardë lekë ose 138 milion Dollarë në fund të 2018 dhe u zgjerua me 19% në një vit…..
Si rrezikohen pensionet
Zyrtarë të Institutit të Sigurimeve Shoqërore pohuan se, ka një thellim të problematikës me pagesat e sigurimeve shoqërore në entet dhe institucionet publike, duke pohuar se pensioni i tyre rrezikohet nëse ata nuk E rregullojnë problematikën në kohë. Ekspertët në ISSH pohojnë se më së shumti janë të prekur punonjës të ndërmarrjeve shtetërore dhe sidomos të ujësjellësve, por gjeografia e institucioneve që nuk paguajnë sigurimet po shtohet çdo ditë. Të gjitha rastet duhet të zgjidhin çështjen në gjykatë. Por punonjësit që kanë punuar në shtet janë treguar më të pakujdesshëm për të monitoruar pagesën e sigurimeve dhe gjithashtu për të mbajtur dokumentacionin të plotë. Problematika është komplekse përveç mospagesës së sigurimeve, entet publike kanë humbur dosjet, kanë ngatërruar të dhënat, duke krijuar një problematikë komplekse që mohon pensionin e pleqërisë për shumë nga këto persona. Rruga e vetme është gjykata, por kur dokumentet mungojnë gjithçka bëhet e pamundur. N. Sylaj, e cila ka punuar në një pozicion specifik në HEC-in e Fierzës, prej katër vitesh është në proces gjyqësor me Drejtorinë Rajonale të Sigurimeve. Deri më tani, me pozicionin e punës së saj kanë përfituar pension tetë veta, kur në të vërtetë kanë punuar vetëm dy persona. Raste të tilla janë me mijëra. Përveç pagesës së ulët, pensionistët shqiptarë në tri dekadat e fundit janë ndeshur shpesh me problematika që kanë të bëjnë me dokumentacionin për pagesat dhe vitet e fundit. Në fillim të viteve 1990, për ish-ndërmarrjet bujqësore ka munguar dokumentacioni dhe më pas gjatë tranzicionit dhe ngjarjeve të vitit 1997, shumë arkiva janë dëmtuar. Për të vërtetuar vitet e tyre të punës, shumë pensionistë tani duhet të hapin procese gjyqësore që, me anë të dëshmitarëve të vërtetojnë vitet dhe pozicionin e punës. Mirëpo duke qenë se pensionet false kanë qenë një fenomen i përhapur pas viteve 1990, nevoja për konsolidim në buxhetin e sigurimeve ka sjellë vështirësi të reja. Ka shumë raste që një pozicion pune i caktuar është dubluar me të tjerë që kanë përfituar pensione false. Kur vjen mosha e pensionit, personi që ka kryer punën me të vërtetë, has në vështirësi për të fituar të drejtën e pensionit. Gjykatat dhe Drejtoritë Rajonale të Sigurimeve kanë forcuar kriteret për vlerësimet, kështu që shumë persona në moshë pensioni po përballen me vështirësi për të vërtetuar vitet e punës me dëshmitarë. Por ekspertët e ISSH-së thonë se këto problematika do të zgjidhen njëherë e mirë me informatizimin e sistemit të pensioneve. Krijimi i një regjistri digjital për dosjet e pensioneve do të zhveshë skemën nga abuzimet dhe spekulimet dhe gjithashtu do të sigurojë një transparencë më të madhe për të interesuarit. Tashmë, regjistri online është plotësuar nga viti 2011 e deri më aktualisht, ndërkohë po punohet për hedhjen e të dhënave edhe për vitet e mëparshme.
Privati, më korrekt se shteti
Për vitin 2018, të ardhurat nga Kontributet e Sigurimeve Shoqërore dhe Shëndetësore janë programuar 87.9 miliardë lekë dhe janë realizuar 88.8 miliardë lekë, me një rritje prej 0.9 miliardë lekë, ose 1% më shumë. Krahasuar me të njëjtën periudhë të vitit 2017, rezultatet tregojnë për rritje me 6 miliardë lekë më shumë ose 7.20% më shumë. Por rezultatet pozitive nga arkëtimet e sigurimeve shoqërore mësohet të kenë ardhur nga sektori privat, teksa performanca e pagesave nga entet publike ka ardhur me përkeqësim. Në vitin 2018, sipas të dhënave zyrtare nga ISSH, numri mesatar i punonjësve në ndërmarrjet buxhetore që paguan sigurime ishte më i ulët se në vitin 2017, edhe pse numri i punonjësve në administratë nuk ndryshoi. Në vitin 2018, nga kjo kategori paguan sigurime 140,600 persona ose 0.6% më pak se në vitin 2017. Ndërsa në institucionet jobuxhetore, numri i personave që paguan sigurime shoqërore më 2018 ishte 3.1% më i ulët se në vitin 2017. Edhe numri i punonjësve në këtë kategori shënoi rritje të mëtejshme në vitin 2018. Duke lexuar të ardhurat sipas zërave, shihet se rritja e arkëtimeve në sigurimet shoqërore erdhi nga sektori privat. Numri i punonjësve nga sektori privat që u përfshinë në skemën e sigurimeve shoqërore u rrit me 14% në vitin 2018 në raport me vitin e mëparshëm.
Si po përsëriten borxhet e bujshme të sigurimeve të 2015-s
Në janar të vitit 2014, Erion Veliaj, atëherë ministër i Punës dhe Mirëqenies Sociale, doli në një konferencë shtypi për të ngritur alarmin e akumulimit të një borxhi të madh në arkën e sigurimeve shoqërore nga qeveria e mëparshme. “Rreth 53 mijë subjekte, nga të cilat 1407 institucione publike buxhetore, nuk u kanë paguar sigurimet shoqërore punëtorëve të tyre të deklaruar gjatë tetë viteve të qeverisë së kaluar”, – tha Veliaj. Në total, ato kanë rrezikuar pensionet e 250 mijë shqiptarëve, deklaroi ministri Veliaj. Ai përmendi disa nga institucionet më të rëndësishme si Ministria e Mbrojtjes, Ministria e Arsimit, Ministria e Shëndetësisë, ALUIZNI, QSUT-ja etj., të cilat gjatë tetë viteve të qeverisjes së kaluar nuk u kanë paguar sigurimet punonjësve të tyre, duke u rrezikuar edhe një pjesë të mirë të pensionit. “Nëse kjo nuk do të ishte zbuluar, një pjesë e mirë e ushtarakëve do të rrezikonin të mbeteshin pa pensione. Ka reparte ushtarake të cilat kanë deri në 1 milion dollarë sigurime shoqërore të papaguara. Vendi ku kemi jetuar në 8 vite, ka qenë një vend i cili paska punuar në të zezë për mijëra zyrtarë të Republikës së Shqipërisë. Veç ministrive, ALUIZNI është institucioni me debinë më të madhe; një institucion që duhej të ishte përgjegjës për legalizimin e shqiptarëve që kishin ndërtuar në mënyrë ilegale, ishte vetë ilegal sepse punonte në të zezë”, tha Veliaj. Nga ana tjetër, ai e cilësoi si qesharake dhe tragjikomike faktin se në 8 vitet e shkuara, as Ministria e Punës dhe institucionet e saj të varësisë nuk i paguanin sigurimet shoqërore. Ndërkaq, të gjitha institucionet shtetërore do të nisin të shlyejnë menjëherë detyrimet e prapambetura për kontributet shoqërore. Ky konstatim i ministrit Veliaj në atë kohë vjen me të njëjtin alarm edhe sot, ku situata paraqitet njësoj. Gati 1200 ente publike nuk paguajnë sigurimet e punonjësve, duke rrezikuar pensionin e mijëra personave. Ekspertët e ISSH-së u bëjnë thirrje punonjësve që të kryejnë verifikime, teksa mijëra dosje pensioni po shqyrtohen në Gjykatën Administrative.
Sipas të dhënave zyrtare të publikuara nga Tatimet, 13.8 miliardë lekë nga totali i detyrimeve ose 77% totalit është krijuar nga viti 2014-2016, teksa shihet se 3.2 miliardë lekë janë të mbartura para vitit 2013. Siç shihet nga të dhënat, borxhi ndaj arkës së sigurimeve është rritur me ritme më të shpejta vitet e fundit. Vetëm më 2018 u akumuluan 2.6 miliardë lekë detyrime të reja, ose 18.8% e të gjithë totalit.
Burimet nga Tatimet pohuan se një pjesë e madhe e këtyre detyrimeve u përkasin enteve publike dhe pushtetit lokal, pasi për bizneset private janë marrë masa shtrënguese. Nëse bizneset nuk paguajnë në kohë detyrimet për punonjësit, llogaritë bankare të tyre paguhen.
Mund të paguhen me këste
Institucionet publike që nuk kanë paguar sigurimet shoqërore apo shëndetësore të administratës mund të hyjnë në marrëveshje për pagesë me këste. Ministria e Financave dhe Ekonomisë bëri së fundmi disa ndryshime në udhëzimin “Për procedurat tatimore në Republikën e Shqipërisë”, ku nënvizon se përjashtimisht vetëm entet publike mund të përfitojnë nga kjo lehtësi. “Në rastet kur në cilësinë e tatimpaguesit janë institucione apo ente shtetërore apo publike, qendrore apo vendore apo ente të tjera ku shteti është palë, për raste të një interesi të lartë publik ose të nevojës për moslejimin e cenimit të rendit dhe të sigurisë kombëtare, mund të lidhet një marrëveshje me këste edhe për detyrimet e kontributeve të sigurimeve shoqërore dhe shëndetësore” thuhet në udhëzim.
Ndryshimi vjen në të njëjtin udhëzim ku janë prekur edhe pika të tjera, si ajo për rastet e lidhjes së marrëveshjes për pagesë me këste të disa detyrimeve nga ana e bizneseve. Sipas këtij udhëzimi, marrëveshja për pagesë me këste mund të lidhet për detyrime tatimore të vendosura nga administrata tatimore, si rezultat i një vlerësimi tatimor të kryer, dhe për detyrime tatimore të vetëdeklaruara (vetëvlerësimit) nga tatimpaguesi. Pavarësisht hapësirave që mundësohen për pagesë me këste, udhëzimi sqaron se administrata tatimore nuk hyn në një marrëveshje të pagesës me këste, vetëm për detyrim tatimor mbi të ardhurat të mbajtur në burim dhe të vetëdeklaruar nga tatimpaguesi, si dhe për detyrim nga kontributet e sigurimeve shoqërore dhe shëndetësore, i cili është llogaritur, ose mbledhur, ose mbajtur prej tatimpaguesit. Në çdo rast, udhëzimi sqaron se hyrja në marrëveshje për pagesë me këste nuk lehtëson pozitën ligjore të personit përgjegjës në rastet e prezumimit apo konsumimit të veprës penale së parashikuar ligjërisht lidhur me detyrimin tatimor të vetëdeklaruar nga tatimpaguesi, i cili është llogaritur, ose mbledhur, ose mbajtur prej tij, përfshirë kontributet e sigurimeve shoqërore dhe shëndetësor. Një raporti i mëparshëm i Kontrollit të Lartë të Shtetit, por edhe vetë Drejtoria e Përgjithshme e Tatimeve, kanë vlerësuar se mospagesa e kontributeve për sigurimet shoqërore dhe shëndetësore po kthehet në problematikë të theksuar sidomos për bashkitë. Këto të fundit rezultojnë me mospagesa në vite të kontributeve të punonjësve të punësuar pranë tyre.
Nga Blerina Hoxha
Ja lista e dytë e institucioneve që nuk kana paguar sigurimet shoqërore
Nr. | SUBJEKTI | Forma Ligjore e përpunuar |
1 | A.R.M.O. | Sh A Shtetërore |
2 | REPARTI USHTARAK 4303 | Ent publik |
7 | REPARTI USHTARAK 4006 | Ent publik |
8 | REPARTI USHTARAK 4460 | Ent publik |
9 | ALUIZNI TIRANA RURALE | Ent publik |
10 | FAKULTETI EKONOMIK | Ent publik |
15 | NJËSIA MBËSHTETJES TEKNIKE PROG. IADSA | Ent publik |
17 | MINISTRIA E MBROJTJES | Ent publik |
19 | FAKULTETI SHKENCAVE NATYRES | Ent publik |
23 | MINISTRIA E FINANCAVE | Ent publik |
27 | ZYRA ARSIMORE LIBRAZHD | Ent publik |
28 | REPARTI USHTARAK NR 4443 | Ent publik |
29 | FAKULTETI DREJTËSISË | Ent publik |
30 | REPART USHTARAK NR.4009 | Ent publik |
31 | UZINA LËNDËVE PLASËSE | Ent publik |
32 | APARATI I MINISTRISË SË BRENDSHME | Ent publik |
35 | HOTEL DAJTI | Ent publik |
38 | KOMB. TEKSTILEVE TË PAMBUKTA | Ent publik |
41 | ZYRA ARSIMORE MALLAKASTËR | Ent publik |
42 | MINISTRIA E KULTURËS | Ent publik |
46 | AGJENSIA (ALUIZNI ) | Ent publik |
47 | ZYRA ARSIMORE HAS | Ent publik |
48 | DREJTORIA ARSIMORE QYTET | Ent publik |
51 | AUTORITETI RRUGOR SHQIPTAR | Ent publik |
55 | SPITALI UNIVERSITAR “SHEFQET NDROQI | Ent publik |
56 | PREFEKTURA TIRANË | Ent publik |
57 | REPARTI USHTARAK 5001 | Ent publik |
58 | REPARTI USHTARAK 3001 | Ent publik |
63 | QEND. SHENDETËSORE KAMEZ | Ent publik |
67 | FEDERATA E MUNDJES | Ent publik |
68 | INSTITUTI I KËRKIMEVE TË USHQIMIT | Ent publik |
70 | QENDRA E ARTIT, TEATRI “SKAMPA” | Ent publik |
72 | NDËRMARRJA E RRUGËVE RURALE | Ent publik |
74 | N N H/C BANJE | Ent publik |
76 | NDËRMARRJA ELEKTROTEKNIKE | Ent publik |
77 | GJYKATA E TIRANËS | Ent publik |
78 | PROKURORIA RRETHI GJYQËSOR KRUJË | Ent publik |
81 | INSPEKTORATI SHTETËROR I ARSIMIT | Ent publik |
82 | FAKULTETI I ARKITEKTURËS DHE URBANISTIKËS | Ent publik |
83 | MINISTRIA E ENERGJISË DHE INDUSTRISË | Ent publik |
85 | REPARTI USHTARAK NR.6640 | Ent publik |
86 | AGJENS. SHQIPT. E BIZNES.DHE INVEST. | Ent publik |
87 | SHËRBIMI KOMBËTAR I RINISË | Ent publik |
88 | REPARTI USHTARAK 1109 | Ent publik |
89 | DREJT.RAJON.KUFIRI E MIGRA | Ent publik |
93 | GJYKATA PËR KRIMET E RËNDA | Ent publik |
96 | AGJENCIA E MENAXHIMIT TË BURIMEVE UJORE | Ent publik |
97 | DREJTORIA E PËRGJITSHME E POLICISË | Ent publik |
98 | DREJT. RAJONALE E MONUMENTEVE TË KULTURËS | Ent publik |
102 | ASISTENCA TEKNIKE IPA ADRIATIK | Ent publik |
104 | AGJENCIA KOMB.TË BURIMEVE NATYRORE | Ent publik |
107 | PARTIA SOCIALISTE KOLONJË | Ent publik |
109 | SHKOLLA INDUSTRIALE | Ent publik |
112 | REPARTI USHTARAK NR 1301 | Ent publik |
114 | ZYRA E ARSIMIT PEQIN | Ent publik |
115 | REP. ISPEKT. SHPËTIM MINIERA TIRANË | Ent publik |
116 | ZYRA ARSIMORE SARANDË | Ent publik |
117 | ”AGJENC. KOMB. ZONAVE TË MBROJTURA” | Ent publik |
120 | REPARTI USHTARAK NR. 3500 , RINAS | Ent publik |
121 | FEDERATA SHQIPTARE E SHAHUT | Ent publik |
122 | INSPEKTORATI SHTETËROR TEKNIK DHE INDUSTRIAL | Ent publik |
123 | MINISTRIA E MJEDISIT | Ent publik |
125 | INSTITUTI I STATISTIKËS | Ent publik |
127 | SHTËPIA BOTUESE BOTEM | Ent publik |
128 | QEND.SHEND.PASKUQAN | Ent publik |
129 | KOMISIONERI PER MBIKQYRJEN E SHERBIMIT CIVIL | Ent publik |
131 | SHKOLLA ARTISITIKE JORDAN MISJA | Ent publik |
133 | KOMITETI SHTETËROR TË MINORITETEVE | Ent publik |
134 | SPITALI UNIVERSITAR I TRAUMES | Ent publik |
135 | SPITALI UNIVERSITAR I TRAUMËS (SHËRBIMI URGJENCES) | Ent publik |
136 | KËSHILLI I MINISTRAVE | Ent publik |
137 | QENDRA SHËNDETËSORE DIVJAKË | Ent publik |
138 | TEATRI KOMBËTAR | Ent publik |
139 | FEDERATA GJIMNASTIKËS | Ent publik |
140 | DREJTORIA E ALUIZNIT TIRANA VERI | Ent publik |
142 | PR.”FURNIZ.UJEKANALIZ F.KRUJË ,PESHKOPI” | Ent publik |
143 | DREJTORIA POLICISË QARKUT | Ent publik |
144 | “DREJTORIA SHERBIMIT PYJOR” | Ent publik |
146 | REPARTI USHTARAK 2222 | Ent publik |
147 | PROJEKTI ” S P E E D Y ” | Ent publik |
148 | INSTITUTI I MJEKSISË LIGJORE | Ent publik |
150 | I. E. D. P PARABURGIMI DURRËS | Ent publik |
152 | DREJTORIA E ARTIT DHE KULTURËS | Ent publik |
154 | REPARTI USHTARAK 4001 | Ent publik |
155 | QENDRA E ZHVILLIMIT MENDOR SHKODËR | Ent publik |
158 | BURGU 313 | Ent publik |
159 | REPARTI USHTARAK 4001 | Ent publik |
160 | REPARTI USHTARAK 6620 | Ent publik |
161 | DREJTORIA E ALUIZMIT SARANDË | Ent publik |
166 | DEGA E POLICISE NDERTIMORE RRETHI | Ent publik |
168 | REPARTI USHTARAK 2001 | Ent publik |
170 | RRUGET RURALE | Ent publik |
171 | ARKIVI QEND. SHTETËROR FILMIT | Ent publik |
174 | DREJTORIA NR 2 E PUNËTORËVE TË QYTETIT | Ent publik |
176 | DREJT.PERGJITHSHME SHERBIMIT TË PROVËS | Ent publik |
177 | DREJTORIA E POLICISË | Ent publik |
178 | DREJTORIA PËRGJITHSHME BURGJEVE | Ent publik |
179 | ZYRA E PARKUT ARKEOLOGJIK BYLIS | Ent publik |
180 | QENDRA E LLOGARISË SË ARSIMIT KAVAJË | Ent publik |
181 | SHTEPIA E FEMIJEVE ” PELLUMBAT” | Ent publik |
182 | AGJENCIA PER MBESHTETJEN SHOQ. CIVILE | Ent publik |
184 | DREJTORIA E RAJONIT QENDROR TIRANË | Ent publik |
185 | BORDI KULLIMIT | Ent publik |
186 | SHKOLLA PROFESIONALE “HAVZI NELA” KUKES | Ent publik |
187 | QEND. KOMB. PRITESE PER AZILKERKUES | Ent publik |
188 | NDERMARJA MEKANIKE TEKSTILIT | Ent publik |
189 | I.E.V.P FIER | Ent publik |
190 | DREJTORIA BUJQESISE DIBER | Ent publik |
191 | REPARTI USHTARAK NR 4400 | Ent publik |
192 | INST. I SIG.USHQIMORE DHE VETERINARISE | Ent publik |
195 | OFICINA E AUTOMJETEVE | Ent publik |
197 | DREJTORIA ARSIMORE MIRDIT | Ent publik |
199 | AGJENCIA E AUDITIT PROGRAMEVE ASISTENCES | Ent publik |
201 | DREJTORIA ARSIMORE FIER | Ent publik |
205 | AGJENCIA E EFIÇENSËS SË ENERGJISË | Ent publik |
206 | ND.PASTRIM GJELB. PERMET | Ent publik |
208 | PARKU ARKEOLOGJIK APOLLONIA | Ent publik |
209 | PREFEKTURA QARKUT LEZHË | Ent publik |
210 | QENDRA KULTURORE | Ent publik |
212 | DR.RAJ.REZERV.MATERIAL.TE SHTETIT TIRANE | Ent publik |
213 | QEND. KOMBËTARE E PANAIREVE | Ent publik |
214 | DREJTORIA E SHËRBIMIT PYJOR | Ent publik |
215 | DREJTORIA ALUIZNI TIRANË – 2 | Ent publik |
216 | DREJTORIA E POLICISË RRUGORE | Ent publik |
218 | INSPEKTORATI QENDROR | Ent publik |
219 | INSPEKTORATI SHTETËROR SHENDETESOR | Ent publik |
220 | QENDRA SHEND. MARGEGAJ | Ent publik |
222 | REPART USHTARAK NR.4030 | Ent publik |
223 | MIN.TRANSPORTIT DHE INFRASTRUKTURES | Ent publik |
227 | ADRIATIC ËELFARE MIX | Ent publik |
228 | DREJT.PERGJ.PARANDAL.TE PASTRIM .PARAVE | Ent publik |
229 | ND.KOMUNALE GJIROKASTER | Ent publik |
230 | MINISTRIA E MIRËQENIES SOCIALE DHE RINISË | Ent publik |
231 | QEND.SHEND.BALDUSHK | Ent publik |
232 | DREJTORIA RAJONALE E RRUGËVE | Ent publik |
233 | DREJTORIA E SHËRBIMIT SPITALOR TROPOJE | Ent publik |
235 | KOMISARIATI I POLICISË KAVAJË | Ent publik |
236 | INST.EKZEKUTIMIT TË VENDIMEVE PENALE SHKODËR (IEVP) | Ent publik |
237 | DREJTORIA ARSIMORE DURRËS | Ent publik |
239 | SHËRBIMI PYJOR HAS | Ent publik |
242 | DREJTORIA E ANTITERRORIT | Ent publik |
243 | ORGANI KOMB INVS AKS INC AJROR AV CIVIL | Ent publik |
244 | INST. STUDIM PROJEKTIMIT TË MBROJTJES | Ent publik |
245 | NËNPREFEKTURA | Ent publik |
246 | PROJEKTI ZHVILLIMIT BURIMEVE NATYRORE | Ent publik |
248 | KOMISARIATI I POLICISË TROPOJË | Ent publik |
249 | INSPEKTORIATI SHTET.MBIKËQYRJES SË TREGUT | Ent publik |
250 | ISHMPU, KUKES | Ent publik |
253 | DREJTORIA RAJONALE TATIMORE DIBËR | Ent publik |
258 | MINISTRIA E INFRASTRUKTURES DHE ENERGJISE (M I E) | Ent publik |
259 | BORDI KULLIMI GJIROKASTËR | Ent publik |
260 | AGJENCIA KOMBËTARE DUHAN CIGAREVE | Ent publik |
261 | INSPEKTORATI SHTETËROR SHËNDETËSOR | Ent publik |
263 | SHKOLLA E MESME E GJUHEVE TE HUAJA | Ent publik |
264 | PROKURORIA E RRETHIT GJIROKASTER | Ent publik |
266 | DREJ.RRUGE RURALE DELVINE | Ent publik |
267 | KOLEGJI POSAÇËM I APELIMIT | Ent publik |
269 | Z.VENDORE INSPEKTORATIT SHTETËROR PUNES | Ent publik |
270 | MINISTRIA E PUNËVE TË JASHTME | Ent publik |
271 | PËRFAQESITË DIPLOMATIKE | Ent publik |
272 | KOMISARIATI I POLICISË DIBËR | Ent publik |
274 | ND. PASTRIM GJELBRIM KAMËZ | Ent publik |
275 | UNIVERSITETI I TIRANES | Ent publik |
277 | DREJTORIA SHËRBIMIT PYJOR KAVAJË | Ent publik |
279 | QENDRA SHEND. | Ent publik |
280 | DREJT.RRUGEVE RURALE HAS | Ent publik |
281 | PROKURORIA TROPOJE | Ent publik |
282 | RROM – ALB | Ent publik |
283 | REPARTI USHTARAK 1302 | Ent publik |
284 | SHTËPIA FËMIJËVE Z. HALLULLI | Ent publik |
287 | AGJEN LEGALIZIM URBANIZIM ZON INFORMALE | Ent publik |
288 | DREJTORIA RAJONALE ARSIMORE | Ent publik |
289 | DREJTORIA SHERBIMIT SPITALOR | Ent publik |
292 | BIBLOTEKE POLITEKNIKE | Ent publik |
293 | QENDRA SHENDETSORE BUJAN | Ent publik |
294 | DREJTORIA RAJONALE TATIMORE TIRANE | Ent publik |
295 | DOGANA KAPSHTICË | Ent publik |
296 | PROKURORIA DIBËR | Ent publik |
297 | SHKOLLA TEKNIKE ELEKTRIKE | Ent publik |
299 | DREJTOR.SIG.SHOQERORE DIBER | Ent publik |
300 | DREJTORIA VENDORE E POLICISË SHKODËR | Ent publik |
301 | QEND. FURNIZIMIT MATERIAL TEKNIKE | Ent publik |
303 | NDERMARRJA PASTRIM GJELBERIMI LIBRAZHD | Ent publik |
304 | DREJTORIA E MIRËMBAJTJES SE RRUGËVE | Ent publik |
306 | DREJTORIA SHËRBIMIT PYJOR DURRËS | Ent publik |
308 | DREJT.PËRITHSH. E REZERV. SË SHTETIT | Ent publik |
309 | SHERB.I KONTROLL.BREND.NE SIST.BURGJEVE | Ent publik |
310 | QENDRA SHENDËTSORE NR.1 | Ent publik |
311 | UNIVERSITETI “E.CABEJ” | Ent publik |
312 | ZYRA RAJONALE E PUNËSIMIT | Ent publik |
313 | SHK.NIVELIT KOMB E MESME R.KRYEZIU | Ent publik |
315 | FEDERATA PESHËNGRITJE | Ent publik |
317 | BORDI I KULLIMIT MAT | Ent publik |
320 | BORDI I KULLIMIT KUKËS | Ent publik |
321 | GJYKATA E APELIT TIRANË | Ent publik |
322 | QENDRA SHENDETËSORE ARAS | Ent publik |
323 | FEDERATA E CIKLIZMIT | Ent publik |
324 | QENDRA PRITESE TË TRAFIKUT | Ent publik |
326 | DREJT.RAJ. MONUM.KULTURE | Ent publik |
327 | GJYKATA E RRETHIT” | Ent publik |
328 | ND.RRUGËVE RURALE LEZHË | Ent publik |
329 | DREJTORIA RAJONALE RUGEVE RURALE DIBËR | Ent publik |
330 | QENDRA SHEND. LEKBIBAJ | Ent publik |
331 | REPARTI I NDERHYRJES SE SHPEJTE | Ent publik |
333 | ASIST.TEK.ZBAT.PROG.NDERKUF.IPA II MNE-SHQ2014-20 | Ent publik |
336 | REPARTI USHTARAK 2004 | Ent publik |
340 | (PMU) NJESIA E MENAXHIMIT TE PROJEKTEVE | Ent publik |
341 | QEND.SHEND.ZALL – BASTAR | Ent publik |
342 | DR.RAJON.POLIC.KUFI.EMIGRA | Ent publik |
343 | AGJENCIA KOMB.SHOQËRISË SË INFORMACIONIT | Ent publik |
345 | INP.SHTET.SHENDE.DEGA RAJONALE Q.TIRANË | Ent publik |
346 | POL.E SPECIALITETEVE NR 1 | Ent publik |
348 | NDËRMARRJA GJEOLOGJIKE POGRADEC | Ent publik |
350 | DREJT.SHERB.PYJOR TEPELENË | Ent publik |
351 | ZYRA PERMBARIMIT DIBËR | Ent publik |
353 | QENDRA SHENDETËSORE IBALLE | Ent publik |
354 | MINISTRIA DREJTESISE | Ent publik |
355 | DREJT RAJONALE SHËRBIMIT KOMBETAR PUNES | Ent publik |
356 | QENDRA SHËNDETËSORE QELEZ | Ent publik |
357 | PROJEKTI “ADRIATIC ËELFARE MIX” | Ent publik |
358 | GJYKATA E RRETHIT ELBASAN | Ent publik |
360 | REPARTI USHTARAK NR.1001 | Ent publik |
361 | DREJ.RAJON.FORM.PROF.PUBLI | Ent publik |
362 | DREJTORIA RAJ E KUFIRIT DHE MIGRACIONIT | Ent publik |
363 | DREJTORIA ARSIMORE RAJONALE DIBËR | Ent publik |
364 | BORDI I KULLIMIT | Ent publik |
365 | AVOKATI I PROKURIMEVE | Ent publik |
367 | INSTITUTI KONFUCI NE UNIVERSITETIN E TIRANËS | Ent publik |
368 | QENDRA E TRANSF. TEKNOLOGJ. BUJQ.SHKODËR | Ent publik |
370 | NDËRTIM I BANESAVE ME QELLIM SOCIAL | Ent publik |
371 | SHËRBIMI SOCIAL SHTETËROR | Ent publik |
372 | POLICIA KUFITARE DHE EMIGRACIONIT | Ent publik |
373 | PROKURORIA PUKE | Ent publik |
374 | D.SHERBIMIT PYJOR KOPLIK | Ent publik |
375 | QENDRA SHENDETSOR KOPLIK | Ent publik |
376 | DREJTORIA RAJONALE E INSPEK. SHTET. PUN | Ent publik |
377 | INSPEKTORIATI SHTETEROR TË PUNËS | Ent publik |
378 | UZINA MEKANIKE | Ent publik |
379 | DREJTORIA E POLICISË BERAT | Ent publik |
380 | SHKOLLA MESME NDERTIMIT | Ent publik |
381 | AMBASADA GREKE | Ent publik |
383 | MINISTRIA INTEGRIMIT EUROPIAN | Ent publik |
384 | KLINIKA STOMATOLOGJIKE UNIVERSITARE | Ent publik |
385 | PARKU ARKEOLOGJIK AMANTIA ORIKUM | Ent publik |
389 | AGJENCIA SIG. SHOQËRORE | Ent publik |
390 | KOMISIONERËT PUBLIKË | Ent publik |
391 | GJYKATA USHTARAKE E APELIT | Ent publik |
392 | NJESIA E MENAXH.TE PROJEK. FINANC.B.I.ZH | Ent publik |
394 | SHËRBIMI GJEOLOGJIK SHQIPTAR | Ent publik |
395 | KOMISARIATI I POLICISË | Ent publik |
396 | REPARTI USHTARAK 1410 | Ent publik |
397 | NJESIA RAJONALE POLICISE RRUGORE TIRANE | Ent publik |