Pak ditë më parë moderatori i njohur Ardit Gjebrea u zhvendos në jug të Shqipërisë së bashku me stafin e tij për të xhiruar puntatën e fundit të emisionit.
Të pranishëm ishin disa të ftuar VIP, të cilët duket se janë të zgjedhurit e Arditit për të mbyllur me sukses këtë sezon.
Juliana Pasha, Venera Lumani, Isli Islami e Pirro Çako do të jenë disa prej tyre. Pjesa e fundit e ‘E diela shqiptare’ duket se do të jetë mjaft dinamike, mirëpo ajo që ka tërhequr vëmendjen e të gjithëve gjatë drekës, ka qenë e dashura bionde e Pirros.
Kantautori ka vendosur që për herë të parë të shfaqet në publik pranë të dashurës së tij. Pirro dhe biondja simpatike duken mjaft të lumtur pranë njëri-tjetrit dhe ne mezi po presim që të shohim momentet e tyre në televizion.
Panorama Plus shkruan se bukuroshja në fjalë është punonjëse në gjykatën e Tiranës dhe duket të jetë rreth 20 vite më e re.
Kjo është lidhja e parë që bëhet publik në media, dy vite pasi Pirro Çako i dha fund bashkëjetesës 5-vjeçare me Sisin.
