Festivali i muzikës “Eurovision” këtë vit do të mbahet me publik në sallë dhe do të organizohet në “Ahoy Arena” të Rotterdamit në maj, pasi ishte anuluar vitin e kaluar.
Më herët, BBC raportoi se në arenë do të lejohet prania e 3.500 shikuesve si pjesë e testimit nga qeveria e Holandës. Arena do të jetë gjysmë e mbushur dhe spektatorëve do t’u duhet një test negativ për Covid-19 para se të lejohen brenda. Organizatorët e Eurovisionit e kanë mirëpritur këtë vendim dhe kanë thënë se do të “shqyrtojnë opsionet që janë në dispozicion”.
Një vit pas anulimit si pasojë e pandemisë COVID-19, gjysmëfinalja e parë fillon sonte. Mbrëmjen e sotme, 16 shtete do të paraqesin këngët e tyre në skenë, por vetëm dhjetë prej tyre do të marrin një vend në finalen e madhe, e cila do të mbahet të shtunën më 22 maj.
Renditjen e plotë të shteteve mund ta lexoni më poshtë:
Lituania / The Roop – Discoteque
Sllovenia / Ana Soklič – Amen
Rusia / Manizha – Russian Woman
Suedia / Tusse – Voices
Australia / Montaigne – Technicolour” (Performancë live, jo fizike në skenë).
Maqedonia e Veriut / Vasil – Here I Stand
Irlanda / Lesley Roy – Maps
Qipro / Elena Tsagrinou – El Diablo
Norvegjia / TIX – Fallen Angel
Kroacia / Albina – Tick-Tock
Belgjika / Hooverphonic – The Wrong Place
Izraeli / Eden Alene – Set Me Free
Rumania / ROXEN – Amnesia
Azerbajaxhani / Efendi – Mata Hari
Ukraina / Go_A – Shum
Malta / Destiny – Je Me Casse.
Anxhela Peristeri do të ngjitet në skenën e madhe në natën e dytë dhe do të jetë 11-ta në radhë për të kënduar. Në të njëjtën mbrëmje me të do të këndojnë edhe Greqia, Serbia, Bullgaria, Zvicra etj.
