Në verën e vitit 2019, këngëtarja shqiptare Dua Lipa bëri publike romancën e saj të re me vëllain e motrave Hadid, Anwar-in.
Çifti, kokë e këmbë i dashuruar, u bë i pandarë dhe prezantuan partnerët e tyre me familjet përkatëse.
Pasi marrëdhënia u bë “familjare”, Dua gjithashtu e mori të dashurin në “Sunny Hill Festival”, i cili u mbajt në Kosovë.
Këngëtarja ka treguar më herët se ka marrëdhënie tepër të mira edhe me mamanë dhe motrat e Anwar-it, madje sot i ka uruar ditëlindjen kunatës së saj.
Si një “nuse ideale”, Dua ka publikuar në InstaStory një foto me Gigi-n, të cilës i uron 25-vjetorin e lindjes.
“Gëzuar ditëlindjen Gigi, 25! Të gjithë shkëlqimin e botës për ty”- shkruan këngëtarja krahas postimit.
