Dua Lipa ‘e lodhur’ nga fansat, reagimi i papritur i këngëtares kur i kërkojnë të bëjnë foto

107
Sigal

Ylli i muzikës Dua Lipa performoi një version paksa të modifikuar të turneut të saj “Future Nostalgia” në Rio de Janeiro, duke promovuar albumin e saj të vitit 2020 me të njëjtin emër, përfshirë në repertor hitet e saj të hershme si “New Rules” dhe bashkëpunimet e saj me Elton John ( “Cold Heart”) dhe Calvin Harris (“One Kiss”).

Tashmë, në orët e fundit, përveç fotografive që artistja ka shpërndarë në llogaritë e saj në rrjetet sociale, është bërë virale një video në të cilën këngëtarja duket se ndërpritet nga fansat e saj, të cilët tentuan të bëjnë një foto, por nuk ishin në gjendje ta bënin këtë, pasi Dua Lipa me shumë dashamirësi i kërkoi që ta linin të shijonte ditën me familjen e saj.

Kur fansat e saj i afrohen për të bërë një foto, ajo përgjigjet duke thënë: “Më vjen shumë keq, nuk mund të bëj foto sepse po e kaloj ditën me familjen time. Më vjen mirë që ju njoha”.